Верш і фотаздымкі Георгiя Лiхтаровіча - музыка i выкананне Галiны i Барыса Вайханскiх.
.
CD «Прощание с августом» (2015)
.
ПРЫЗНАННЕ
----------------------
Вокамгненна ўсё на свеце гэтым –
Плынь часоў нічога не міне.
Век адмеран, пэўна, і планетам,
Нават зоркі цемра праглыне.

Толькі што за справа мне да зорак?
У мяне – уласны лёс і век.
Сёння я нібыта сонны морак,
Дзякуй Богу,
Страсянуў з павек.

Ці галубіць гальку ручаінка,
Ці ў галлі галёкне галчаня –
Я смакую вуснамі расінку,
Прахалоду любага імя.

Я раней ахвочы быў да волі,
Ды ў цянёты трапіў незнарок.
Без цябе няма цяпер патолі,
Памажы адолець першы крок.

У палон імкнуся без прынукі.
Ты адчуй пра што даўно маўчу,
Прытулі і моцна сцісні рукі –
У няволі я пажыць хачу!

Вокамгненна ўсё на свеце гэтым,
І жыццё, як знічка, прамільгне.
Ды каханне, нават па-за светам,
Нам святлом сцяжынку ахіне.

[ Ссылка ]

свернуть