Abzas Media online medianın baş redaktoru Sevinc Vaqifqızı(Abbasova)dünən gecə saatlarında xarici səfərdən Bakıya dönərkən hava limanında saxlanılıb. Bu barədə vəkil Elçin Sadıqov məlumat yayıb.
"Jurnalist Abbasova Sevinc Vaqif qızı tutulacağını bildiyi halda bu dəqiqələrdə Bakıya qayıtdı. Ona passport kontroldan qeydiyyatdan keçməyə imkan verməyiblər və bildiriblər ki, onu Bakı Şəhər Baş Polis İdarəsinə aparırlar," deyə vəkil bildirib.
Təyyarədə Sevinclə birlikdə olan şahidlər Əbülfəz Qurbanlı və Sübhan Həsənli baş verənləri media nümayəndələrinə danışıblar
Daha sonra Sevinc Vaqifqızının Bakıdakı evində axtarış aparılıb.Axtarışın nəticəsini vəkili Elçin Sadıqov jurnalistlərlə bölüşüb.
Sevinc Vaqifqızı dünən Bakıya dönərkən Türkiyədə hava limanında Ülvi Həsənlinin həbsi ilə bağlı verdiyi müsahibədə də onu gözləyən həbs təhlükəsinə rəğmən Bakıya geri dönəcəyini qeyd etmiçşdi
Qeyd edək ki,dünən "Abzas Media” saytının baş direktoru Ülvi Həsənli saxlanılmışdı.Onun ofisində aparılan axtarış nəticəsində 40min avro pulun tapıldığı bildirilir.Artıq Ülvi Həsənliyə ittiham da irəli sürülüb.O Azərbaycan Respublikası Cinayət Məcəlləsinin 206.3.2-ci qabaqcadan əlbir olan bir qrup şəxs tərəfindən qaçalmalçılıq) maddəsi ilə ittiham olunur.Qeyd edək ki,bu maddəyə əsasən məhkum edilmiş şəxsi 5 ildən 8 ilə kimi azadlıqldan məhrum etmə cəzası gözləyir.
