Hoamkem (Oachale fan Toule)
Sebm ietz hottmi an olts Weibile ohgilott und giluschtit fa wou dassi bin
Na honnise ohgschaug und gsogg, jo rout la amo fa wou dassi kimm
Geh, itz soug holt dai Hoamat, möttoscht se, se wescht öppas sei
Sattis wö olbm afn Wege, des Fezza, na kennt enk koa Schwei
Hoi Weilbile, honni xog, wos du dou soggsch, se isch giwogg
Weil hoamkem binni olbm nö -- und na hottsis dofrogg:
Hoamkem binni olbm, hoamkem binni olbm,
bin gileegn unto Polbm, obo hoamkem binni olbm,
öft zmörganz mit di Schwolbm, obo hoamkem binni a.
Öb fa
Kason, Prettau, Peäto, Jougab, Stochas winton eha schoutzat,
Miehlegg, Ahng und in Son Moschtan, ofton ausgie nöewi noschton,
Gisse, Luchta, Weißnboch, und Drittlsond se isch a.. a... obo
Hoamkem...
I bin fa
Rein & Poin & Fochina & Kemintna & Millina &
Üitnomm hot a longe Länge, in Goas isch's Toul na nimma enge
Aufhöüfn und Dietn hoam, in Pfolzn afn Loam zi loan, weil
Hoamkem...
Giböüong binni in Bruneggn, ibonochtn honni a in olla Eggn
In Öbolond sebm binni seltn, koa Wundo a, ba die Kältn (donk in Wiisilan)
In Kiens moch i seltn Stop, sebm honni friah amo a Weibile gihop, und...
I bin iboroule, I bin iboroule -- is Oachale fan Toule (fan Vinschgau bis in Toule) - I bin iboroule
Koa Lunte isch mio zi schmoule -- i bin iboroul.
Fo enk öppas fo di Öeng und di Augn (und höffentlich drings bis zi do Seäle durch)... und fo mi awi a Füito fon Winto.
An bsundon Donk in Bougeld Hons fo di Inspiration, in Geoff Mack fon Song, do Ena fos helfn, in Manni fo di Giduld, und in meinign Neschtlan und den dou öbm fos awi sei megn ;-).
In enkon Öbofeschtna (enkon Chef fan Wolde) honni a an diplomatischn Bsüich ougstottit widdis secht.. ea hotta gilauscht, do Böütschoft fa ins Woldviecho -- und ibo di Jaaga reidwo an ondos Mo... fa Naaga zi Jaaga.
Na fahlt nö oana: is „olte Weibile" fan Ohfong: lissn, i woaß net, wea du bisch, obo i bettl di, dassi di fo des Video awi zoagn mog. I hon mo zeascht gidenkt, dai Gsicht unkenntlich zi mochn, obo donna honni dokennt: a sea schneidigis Weibile sött man net entstell, des Kuschntwerk müssman lossn, aswi's isch. Wenn i di obo aussatie sött fan Videolan, nocha meld di bitte, na leischt i deido Bitte Fölge: oachale@gmail.com. Und sischt oafoch la Vögelt's Gött!
Itz hoppis longe giwoschtit und I hon longe gibraucht,
Obo des lossi nö dou, föü I untotauch --
a gspeichoschts Liecht fan Summo fo di long Nachte in Winto
Heit isch Moschtanstog, und sebm isch Toal ohgsogg!
I winsch enk... an riewign Winto!
... Bis sebm, bol di Touge widdo länga weang ...
Pfiet enk, guita Nocht
Oachale fan Toule
![](https://i.ytimg.com/vi/9aBcBGqFBWY/mqdefault.jpg)