Содырлардың бақылауына өткен Сирияның шығысындағы Дейр аль-Зор қаласынан Ливанға босып келгендер азық таба алмай отыр.

Үйлерін тастап, қашуға мәжбүр болғандар енді шөп жеп, жүрек жалғап отырғандарын айтады.

Көбісі – көпбалалы отбасылар.

Бека жазықтығындағы шатырлы лагерьге жету үшін 2 ай жол жүріп келген. Дейр аль-Зор облысындағы Дейр аль-Зор қаласы Ирак пен Левант террористік тобының бақылауындағы өзге өзекті қалалармен байланыстырып тұрған маңызды жер болып табылады.

Шаһарды содырлар былтыр наурызда басып алған еді. Қаладағы лаңкестердің бассыздығы мен қатыгездігінен психологиялық тұрғыдан зардап шеккен балалар да көп.

-Ол жердегі өмірімді есіме түсірсем, жаным түршігеді. Күнде адамдар құрбан болып, бомба тасталды. Өте қорқынышты.

-Біз бір жыл шамасында содырлардың бақылауында болдық. Олар азық-түлікті қалаға жібермеді. Сондықтан шөп жеп, күн көрдік.

свернуть