متجر اي فون : [ Ссылка ]
لتكون انت المليونير التالي
رابط قناتنا المتخصصة في ادارة واستثمار المال والوقت
[ Ссылка ]
حساب القناة على الانستقرام
[ Ссылка ]
مراجعة ساعة ابل الجيل الثامن | Apple Watch Series 8
#ساعة
#ابل
#مراجعة
هذي ساعة ابل الجيل الثامن وهذي السابع
ماتلاحظ فرق الا اللون صح؟
لانه ابل ماغيرت اي شيئ فالتصميم الخارجي
السنه الماضية ساعة ابل الجيل السابع زاد حجم شاشتها النسخه الكبيرة من ٤٤ الي ٤٥ بتقليل الحواف
فنقدر نقول جات بتصميم جديد نوعا ما ،ف ابل قررت تستخدمة هالسنه فالجيل الثامن.
وهذا يعني انك تقدر تستخدم السوارات القديمة على هذا الاصدار من الساعة
هاللون ستار لايت مع سواره رياضية واحسه لون رقيق نوعا ماء
ومناسب اكثر للنساء مقارنه بالاسود اللي فالنسخة السابعه اللي عندي.
ولا انتوا شو رايك؟
وهذا الشاحن ابدا ما استخدمة مش مرتب مثل هالشاحن لما انام احط كل اجهزتي عليه
وهذا للسفر مناسب جدا لشحن الايفون والساعه في نفس الوقت وبكيل واحد.
بس الحين تقدر تستخدم شاحن ساعات ابل لشحن ايربودز برو تو . بس بعدني ماراح استخدمة.
احب اشل الاشياء الخفيفة واللي تختصرلك الوقت
وصح اذا بغيتوا تاخذوا مثله والساعة الجديد متوفرات على متاجر اي فون الانستقرام وموقعهم الرسمي يشحنوا لكثير من الدول.
ساعة الجيل الثامن تستخدم نفس المعالج للسنه الماضية واللي بس باسم مختلف.
واذا تبوا الصراحة المستخدمي الخفيفين راح تلاحظوا السرعة ممتازه وماتحتاج اي تحسن في فالاداء ،
مثل استلام التنبيهات بدء وانهاء التمارين وتشغيل الموسيقى والرد عالمكالمات.
بس لوو نزلتها تطبيقات قوية وتفتح ايميلات كبيره راح تحس انها تحتاج سرعة.
تحليلي يقول ابل خلت ال ايفونات ١٤ العادية وساعات ابل الجدد كلها بنفس معالجات السنه الماضية بسبب النقص الحاد في الرقائق الإلكترونية.
لانه الالتراس المفروض يحولها معالج اسرع من هذا اللي هالسنه يكمل ٣ سنوات بنفس الاداء واللي هو نفسه في ساعة ابل الجيل السادس بس الاسم مختلف.
الشيئ الجديد تم تحسين الجاير سكوب
فالنسخة الجديدة لاكتشاف الحوادث والاتصال بالطوارئ بشكل تلقائي
لو لا سمح الله صارلك حادث وماقدرت تتحرك راح تتصل لوحدها بالطوارئ .
بس الميزه تحتاج تعاون بين ابل و انظمة الدول وهالشيئ ماعندنا للاسف فهالميزه ماراح نقدر نستفيد منها.
والميزه الاقوى فالساعة الجديدة واللي ابل تكلمت عنها بشكل مطول هو قياسها لحرارة الجسم.
بس لازم تلبسها لمدة خمس ايام فالبداية وانته نايم علشان تحسب حرارة جسمك وبعدها تبدا الحسابات، مناسبة جدا للنساء راح تساعد في حساب الدورة الشهرية وفترة الاباضة.
الشيئ اللي زعلني ماتقدر تقيس حرارتك بضغطة زر مثل قياس دقات القلب او اكسجين الدم.
ف عشان تستفيد من هالخاصية، لازم تنام وانته لابسنها وبتحسب التغييرات اللي تصير في درجات الحرارة طوال فترة نومك وبعد عدة ايام بتسوي حساباتها وبتبدا تحسب الامور المتعلقة بحرارة جسمك
للاسف انا ما احب البس ساعة وانا نايم وفي معظم الحالات هو وقتي المثالي في شحنها. ولا انتوا كيف نظامكم؟
بطاريتها للاسف بنفس عمر النسخ السابقة ١٨ ساعة استخدام متواصل، يعني يوم ونصف استخدام متوسط.
ولكن فيه خاصية قادمة في نوفمبر عبر تحديث راح يخليها تدوم ٣٦ ساعه، واللي تترجم بحدود ثلاث ايام استخدام متوسط
اتوقع شخصيا هالوضع المنخفض للطاقة راح يوقف الشاشة دائمة التشغيل.
و بعض الحساسات والقياسات وتاخيرها يعني بدل ما تقيس نبضات قلبك كل ساعه راح تصير كل اربع ساعات
فيعني نصف المواصفات راح تتوقف.
الخاصية راح تكون مفيده في الاوقات اللي تطلع تخييم او رحله يومين وتحصل نفسك بدون شاحن.
الاسعار نفسها ما تغيرت
هذي النسخه الكبيرة ٤٥مم بسعر يبدا ب429 دولار بدون الضريبة
وفي نسخه صغيره عادة تكون مناسبه للبنات بحجم ٤١مم وبسعر ٣٩٩$
لو حبيت تضيف خاصية الاتصال الخليوي راح تدفع ١٠٠ دولار اكثر لكل نسخة
بس نصيحتي بعد الانطباعات الاولية والمواصفات الجديدة:
اذا عندك الجيل السابع اكيد لا تقتنيها الا اذا كنت من الجنس الناعم وخاصية قياس الحرارة مهمه جدا عندك.
لو عندك الجيل السادس راح تحصل حواف انحف وقياس اكسجين الدم والحرارة واكتشاف الحوادث بسسس
ف ما احس انها تستاهل الا اذا كانت هالخواص تهمك
لو عندك الجيل الخامس وعندك ميزانيه وتحب الساعة واستخدامك يومي لها فالترقية تجيبلك سرعه وشحن سريع وخواص جديدة مفيدة
ولو عندك ساعة اقدم من الجيل الخامس انصح بالترقية لاه الفرق بيكون كبير، الا اذا تقدر تنتظر يمكن ابل مخططه تغيير الجيل القادم عشان كذا التحديثات كانت طفيفة في اخر سنتين.
ادعمونا بالاشتراكك لو حبيتوا المحتوى اشوفكم الفيديو القادم
