Shifokor Hilola Jumayeva:

O‘sish jarayoni somatotrop gormoni orqali amalga oshiriladi. Bu holat hammada har xil bo‘lib, o‘rtacha 24-25 yoshgacha davom etadi. Balog‘at davrida, ya’ni 11-12 yoshdan 16 yoshgacha bo‘lgan davrda keskin o‘sish holati kuzatiladi. Bunga organizmdagi gormonal o‘zgarishlar sabab bo‘ladi.

Somatotrop gormoni tunda, chuqur uyquda ko‘p miqdorda ishlab chiqariladi. Shu sababli bo‘y yaxshi o‘sishi uchun bolalar tungi soat 22.00 da uyquda bo‘lishlari lozim. Bundan tashqari turli vitamin va oqsilga boy mahsulotlarni ko‘p iste’mol qilish, bo‘y o‘sishiga yordam beradigan sport turlari bilan shug‘ullanish lozim.

O‘sish jarayoni me’yoriy holatda kechayotganini aniqlash uchun bolalar endokrinologiga murojaat qilish va shifokor tavsiyalariga rioya qilish lozim.

свернуть