#APATV #Azərbaycan #Qarabağ #Paşinyan #Ermənistan #MüdafiəNazirliyi #Daşkəsən #Kəlbəcər #Laçın #Zəngilan #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Anti-Azərbaycan güclərin Qarabağ istəyi, yoxsa Paşinyanın hakimiyyət davası? - APA TV
Sentyabrın 12-dən başlayaraq Azərbaycan-Ermənistan sərhədində baş verən gərginlik davam etməkdədir. APA TV xəbər verir ki, Müdafiə Nazirliyinin məlumatına görə, Ermənistan silahlı qüvvələri tərəfindən Daşkəsən, Kəlbəcər, Laçın və Zəngilan istiqamətlərində artilleriya və digər ağır atəş vasitələrindən istifadə olunmaqla, hücum və təxribatlar davam etdirilir. Ekspertlər bildirirlər ki, baş verən hadisələr Ermənistanın revanşist siyasətinin, mövcud vəziyyəti öz xeyrinə dəyişdirmək cəhdinin nəticəsidir. Hadisələrin inkişaf dinamikasına baxsaq, görərik ki, bir neçə ay öncə Ermənistan hakimiyyəti 44 günlük müharibədə itirdiyi hərbi təchizatı Rusiya və bəzi Qərb ölkələrinin dəstəyilə bərpa etməyə çalışırdı. Bu azmış kimi, Qarabağdakı qondarma Xankəndi terrorçu birləşmələrinə də Laçın dəhlizi vasitəsilə hərbçilər və silah göndərilir, oradakı terror ocağının gücləndirilməsinə cəhdlər edilirdi. Üstəlik, Paşinyan sentyabrın 12-də Rusiyanın Vladivostok əyalətində keçirilən forumda çıxışı zamanı faktiki olaraq yeni hərbi qarşıdurma iddiarı da səsləndirmişdi.
Bütün bunlar göstərir ki, Ermənistan uzun müddətdir revanşa hazırlaşır və bunun üçün həm siyasi, həm hərbi, həm də informasiya zəmini yardıb. Laçının təhvil verilməsi Ermənistan hakimiyyəti üçün ağır zərbə oldu və daxil təzyiqləri neytrallaşdırmaq, ictimai rəyi dəyişmək üçün növbəti hərbi-siyasi avantüra sərhəddə təxribat törədilməklə başlandı.
Deputat Ceyhun Məmmədovun sözlərinə görə, hazırda Ermənistanda revanşist abu-hava var. Ermənilər Qarabağın yenidən işğal edilməsi ilə bağlı təşkilatlanmağa çalışırlar. Son günlər sərhəddə baş verənləri Tovuz hadisələri ilə müqayisə edən Ceyhun Məmmədov bu təxribatların ilk olmadığını xatırladıb.
Qeyd edək ki, Azərbaycan dəfələrlə ən müxtəlif səviyyələrdə Ermənistanın revanşist siyasətini ifşa edib, həyata keçirilən hazırlıqların hansı məqsədə xidmət etdiyini faktlar əsasında göstərib və Ermənistan hakimiyyətinə bu cəhdlərin özləri üçün ağır nəticələrə gətirib çıxaracağı barədə xəbərdarlıq edib. Uzun müddətdir Ermənistan beynəlxalq aləmdə Azərbaycana qarşı kampaniya aparır, sülh danışıqlarını, kommunikasiyaların
açılmasını, ümumilikdə regionda təhlükəsizliyini təmin olunması istiqamətində irəli sürülən bütün təşəbbüsləri və atılan addımları sabotaj edir, 2020-ci il noyabrın 9-da imzalanmış üçtərəfli bəyanatın müddəalarının icrasından boyun qaçırırdı.
“Ermənistanın ölkəmizə və hərbi bölmələrimizə qarşı ardıcıl həyata keçirdiyi təxribatların hansı acı nəticələrə gətirib çıxaracağını bir daha aydın göründü”.
Bunu isə kanalımıza açıqlamasında siyasi şərhçi Tofiq Abbasov deyib. O qeyd edib ki, ölkəmizə qarşı istənilən təxribatın qarşısı ordumuz tərəfindən alınacaq, bu hətta Ermənistanın ərazisindən olsa belə.
Siyasi şərhçi onu da bildirib ki, Azərbaycan bütün nəqliyyat-kommunikasiya sistemini, çox mühüm yüksəklikləri nəzarətə götürüb və artıq nə indi, nə də gələcəkdə Ermənistan Azərbaycana heç bir real təhlükə yarada bilməyəcək.
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
![](https://s2.save4k.ru/pic/9iBiCVe9-zw/maxresdefault.jpg)