Туркия президенти пойтахт Анқарада бўлиб ўтган расмий матбуот анжумани чоғида бунинг сабабини шахсан ўзи очиқлади.
“Дўст ва қардош халқ сифатида Ўзбекистоннинг кучли мамлакат бўлишидан манфаатдор” эканликларини айтди.
Туркия ва Ўзбекистон президентларининг расмий матбуот анжумани кеча – 25 октябрь куни бўлиб ўтган.
Ражаб Тойиб Эрдўғон ўзининг нутқини Ўзбекистоннинг марҳум шоири Абдулла Ориповнинг айнан “Ўзбекистон” номли шеъридан бир парча келтириш билан якунлаган.
Бу мисралар эса, мана бундай жаранглаган:
Музаффар бўл, ғолиб бўл, ўктам,
Дўсту ёринг, қардошинг билан.
Асрларнинг силсиласида
Боқий тургай кошонанг сенинг.
Улуғ башар оиласида…
Расмий матбуот анжумани акс этган видеотасвирлардан худди шу лаҳзаларда Ўзбекистон раҳбари ҳам жуда мамнун қиёфада кўринган. Президент Шавкат Мирзиёевнинг Туркияга илк давлат ташрифи бугун Истанбулда расман ўз ниҳоясига етади. Бу - 20 йил деганда Ўзбекистон раҳбарининг Туркияга илк бор сафар қилиши бўлди.Би-би-си Ўзбек хизматининг видеоларини www.bbcuzbek.com да ҳам кўришингиз мумкин.
Ещё видео!