Թուրքական Բայրաքթար հարվածային անօդաչուները կմասնակցեն Կիևում կայանալիք Ուկրաինայի անկախությանը նվիրված ռազմական շքահանդեսին: Այդ մասին հայտնել են Ուկրաինայի Ռադայի պատգամավորները:
Թուրքիան իր սովորական քաղաքականությունն է վարում: Այս քաղաքականությունը կոչվում է պանթուրքիզմ, պանիսլամիզմ եւ նախկին ԽՍՀՄ տարածքում թուրքական ազդեցության տարածման փորձ, որտեղ կա թյուրքական բնակչություն, - նշեց Մերձավոր Արեւելքի ինստիտուտի նախագահ Եվգենի Սատանովսկին: «Ղրիմը, որը ժամանակին Օսմանյան կայսրության մի մասն էր Թուրքիայի կողմից Ղրիմի խանության նվաճումից հետո, հենց այդպիսի տարածք է: Բնականաբար, Ղրիմը գտնվում է Թուրքիայի արտաքին քաղաքականության կիզակետում», — նկատեց նա: Սատանովսկին հիշեցրել է, որ Թուրքիայի նախկին արտգործնախարար, նախկին վարչապետ Ահմեդ Դավութօղլուն Ղրիմի էթնիկ թաթար է: «Իսկ կոնկրետ ինչի՞ է ուզում հասնել Թուրքիան՝ Ղրիմի վերաբերյալ հայտարարություններ անելով, չգիտեմ եւ չեմ ցանկանում իմանալ: Ընդհանուր առմամբ, նա փորձում է պատմական ռեւանշի հասնել Ռուսաստանի նկատմամբ, սակայն դա նրա խնդիրն է», — հավելեց արեւելագետը:
Նյութի աղբյուր՝ 1in.am
#lurer #hayastan #turkiarusastan #adrbejan #aliev #anodachu #arcax #eahk #macron
