Lajme Arkiva 2003

Ministri i Jashtëm Ilir Meta shpreh gatishmërinë e qeverisë shqiptare për të ofruar kontributin e saj Shteteve të Bashkuara të Amerikës në një luftë të mundshme në Irak. I pyetur nga Tv Klan për mundësinë e ofrimit të ndonjë baze ushtarake në rast kërkese nga Shtetet e Bashkuara ashtu siç kanë vepruar edhe vendet e tjera të rajonit si Kroacia dhe Sllovenia, shefi i diplomacisë shqiptare është përgjigjur.

Ilir Meta: Ne ende shpresojmë se do të ketë mundësi për zgjedhje diplomatike dhe paqësore, ne ashtu sikurse edhe shtetet e Bashkuara të Amerikës, ashtu sikurse edhe Bashkimi Evropian dhe vende të tjera të cilat kanë një angazhim të rëndësishëm për paqen dhe sigurinë në botë, kemi qenë dhe jemi të mendimit se lufta apo ndërhyrja ushtarake nuk është as opsion i parë dhe as zgjidhja më e mirë. Në kushtet kur komuniteti ndërkombëtar ka 12 vjet që pret që regjimi i Safdam Husseinit, në rrugë diplomatike, paqësore dhe në rrugë vullnetare të respektojë kërkesat e rezolutave të njëpasnjëshme të Këshillit të Sigurimit të Kombeve të Bashkuara, në kushtet kur sikurse deklaroi edhe mbrëmë kryeinspektori nuk duken shenja dhe nuk ka shenja për një bashkëpunim të plotë nga regjimi i Saddam Hussenit, për ç’armatimin nga armët e dëmtimit në masë, atëherë duket qartë se vazhdimësia e këtij qëndrimi refektar nga ky lloj regjimi po e bën të pashmangshme një ndërhyrje, e cila në fund të fundit do të evitonte zgjidhjen më të keqe që ky regjim të shndërrohej në një precedent për të mbajtur peng jo vetëm paqen dhe stabilitetin në rajonin e lindjes së mesme, por në të gjithë botën. Në kushte të tilla ne do të jemi të gatshëm të marrim të gjitha ato përgjegjësi të cilat do të na kërkohen.

Ndërsa në lidhje me zhvillimet e fundit në Kosovë , ku nga serbët është hedhur ideja e Asambleve Komunale Serbe, Ministri i Jashtëm ka përjashtuar çdo mundësi për mbështetje nga qeveria shqiptare të këtyre ideve.

Ilir Meta: Ne nuk presim nxitjen e iniciativave të tilla të cilat nuk e forcojnë bashkëjetesën ndër etnike në Kosovë, por që e dëmtojnë atë, ne presim që udhëheqja e Beogradit të nxisë serbët e Kosovës për të marrë pjesë në procesin e votimit të institucioneve të përbashkëta vetëqeverisëse për të qenë faktor stabiliteti dhe integrimi në Kosovë.

Zoti Meta ka përshëndetur gatishmërinë e kosovarit Fatmir Limaj ndaj gjykatës së Hagës, ndërsa ka theksuar se asnjëherë nuk mund të bëhen krahasime midis gjenocidit të ushtruar nga kasapi i Ballkanit Slobodan Milosevich në Kosovë dhe popullit që u detyrua të bëjë një luftë Çlitimtare./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть