Қазақстанда төтенше жағдай кезінде адамдарды құтқарудың ережелері бекітілмек. Яғни алапат өрт, су тасқыны кезінде адам өміріне қауіп төнген жағдайларда, құтқарушылардың өзі қажетті техника мен құралдарға мұқтаж болады. Сол кезде жақын маңда орналасқан жеке кәсіпкерлер мен шаруа қожалықтардың көмегіне жүгінуге мәжбүр. Ал адамдарды құтқару жұмысына араласып жүрген еріктілердің айтуынша, Төтенше жағдай министрлігінің техникасы мен қажетті құрал-жабдықтар әсіресе, алыс-шалғайдағы елді мекендерде жетіспейді. Тақырыпты әріптесім Руслан Жасұланұлы толықтарды.
Құтқарушылар адам өміріне қауіп төнген жағдайда жедел әрекет етуі керек. Бірақ оған қажетті техника мен құралдардың қолда болмауы кері әсерін тигізуі мүмкін. Төтенше жағдайлар министрлігі әзірлеген ережеге сәйкес, енді құтқарушылар аса шұғыл жағдайларда қауіпті аймақта орналасқан ұйымдардың байланыс, көлік және материалдық құралдарын пайдалана алады. Әрине, оған мүлік иесі келісім берген жағдайда ғана.
ЖОМАРТ АСҚАРОВ, ҚР ТЖМ департамент бастығының орынбасары:
– Көбіне елдімекендерде топтар құралып, сол топтарды жарақтандыру үшін әкімшіліктен, ұйымдардан жергілікті жерден көлік, күрек сияқты қол құралдары қажет болады. Қазу жұмыстары, дамбаларды көтеру үшін тракторлар қажет болады. Сондай жұмыстар.
Ал бірнеше жылдан бері адамдарды құтқару операцияларына қатысып жүрген «Лидер.кз» еріктілер қозғалысының жетекшісі Дильмира Блацтың айтуынша, техника мен құрылғылар көбіне шалғайдағы ауылдарда жетіспеуі мүмкін. Ал су тасқыны, сел, алапат өрт кездерінде адам өміріне үлкен қауіп төніп тұрған жағдайда жедел әрекет ету керек болады. Сол кезде құтқарушылар еріктілердің, жергілікті шаруа қожалық басшыларының және өзге де ұйымдардың көмегіне жүгінулеріне тура келеді дейді.
ДИЛЬМИРА БЛАЦ, Lider.kz еріктілер қозғалысының жетекшісі:
– Төтенше жағдай бөлімдері бүкіл елдімекенде жоқ. Мысалы өрт, су тасқыны кезінде жедел қимылдау үшін техника келгенше 2-3 үш сағат күтіп қалады. Сонда сол жерде бар құралдар мен техниканы пайдаланады.
Бірақ төтенше жағдай қызметкерлерінің айтуынша, пайдалануға алған техника мен қажетті құрал бүлінген жағдайда оның шығынын мемлекет өтеуі тиіс дейді. Ал ұсақ-түйек шығындар жергілікті атқарушы органдардың бюджетінен өтелгенін айтады. Бұл ереже 6 сәуірге дейін қоғам талқысына ұсынылған.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
