Мемлекет басшысы Қасым-Жомарт Кемелұлы Тоқаев еңбек адамының ел үшін, қоғамның дамуы үшін айрықша маңызын үнемі айтып келеді. Қазақстан халқына арнаған биылғы Жолдауында Президентіміз: «Елімізде еңбекқор адам, кәсіби маман ең сыйлы адам болуы тиіс. Осындай азаматтар мемлекетімізді дамытады» деп атап көрсетті.
«Хабар» Агенттігі осы орайда еңбек адамдары туралы бейнероликтер циклін түсіре бастады. Мақсатымыз - еңбекқорлық идеясын ілгерілету,еңбек адамына деген құрметті арттыру, өз саласының нағыз маманы болу, адал қызмет ету сияқты ізгі идеяларды насихаттау. Тоғышарлық, масылдық, енжарлықтан қашық болуға үндеу.
«Еңбек адамы – ел алдында» деген ортақ атаумен түсірілетін бейнероликтердің алғашқы легі диқан, дәрігер, қорықшы, бағбан және кондитер сияқты кәсіп иелеріне арналады. Оларда мамандардың қаншалықты маңызды екеніне ерекше назар аудару үшін адамдар әдейі үлкен етіп көрсетіледі.
#еңбек адамы #дәрігер #маман
![](https://i.ytimg.com/vi/AHslzhhmE50/mqdefault.jpg)