Shtetet e Bashkuara paralajmëruan partnerët se Rusia po shfrytëzon mosmarrëveshjet ndëretnike në rajonin e Ballkanit Perëndimor, me qëllim që të krijojë “tensione dhe të pengojë integrimin e rajonit në institucionet euroatlantike”.
“Është e qartë se Rusia nuk mbështet të ardhmen e njëjtë europiane për shtetet e rajonit të Ballkanit Perëndimor që ata vetë kanë zgjedhur dhe që popujt e rajonit e meritojnë.”, tha një zëdhënës i Departamentit amerikan të Shtetit.
Për të kundërshtuar Rusinë, Washingtoni po punon me shtetet e Ballkanit Perëndimor për të forcuar bashkëpunimin rajonal dhe përparimin e reformave “që do të pakësojnë mundësinë për ndikimin malinj rus.
“Lufta e agresionit të Rusisë kundër Ukrainës vë në pah urgjencën dhe rëndësinë e këtyre përparësive”, thanë nga DASH-i.
Në Kosovë udhëheqësit politikë së fundi kanë intensifikuar paralajmërimet e tyre se Serbia po përgatitet për një sulm apo provokim ndaj Kosovës. Por, sa herë që autoritetet flasin për një kërcënim të tillë, nuk lënë pa përmendur aleaten e Beogradit, Rusinë.
Analistët thonë se Moska po synon të shpërqendrojë vëmendjen e Perëndimit nga lufta në Ukrainë. Sipas tyre, fuqitë e mëdha duhet t’i dërgojnë mesazh të qartë Serbisë se nëse vepron në veri të Kosovës, NATO-ja do të reagojë.
Po ashtu, ndihmës-sekretari amerikan i Shtetit për Europën dhe Azinë, James O’Brien, e cilësoi veriun e Kosovës, i banuar me shumicë serbe, dhe kërcënimet për shkëputjen e një pjese të Bosnje e Hercegovinës si rreziqet kryesore për sigurinë në Ballkanin Perëndimor.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
![](https://s2.save4k.ru/pic/AUSgZJ6YOPo/maxresdefault.jpg)