lajme, #edicioniinformativ ora 19:30 data 24 Maj 2024 #TvKlan #KlanLajme
Spiker: Redi Prifti
Headlines 24 Maj 2024
Shpërndahen çertifikatat e shtëpive të trasheguara në Himarë. Rama: Marrja e pronave, sajesë e poshtër
Nis shpërndarja e certifikatave të afro 4 mijë shtëpive të trashëguara në Himarë. Kryeministri Rama thotë se ideja se ka një plan për t’i zhveshur himarjotët nga pronat e tyre është një poshtërsi propagandistike, e pabazuar në asnjë fakt real.
Nis zbatimi i planit për turizmin e sigurt. Hapen disa rrugë te reja, 1635 policë në terren
Zbulohen disa pika të strategjisë së qeverisë për “turizmin e sigurt”. Plani parashikon hapjen e disa akseve të reja rrugore për të lehtësuar lëvizjen dhe nxjerrjen në terren të 1635 efektivëve të policisë që do kenë në fokus sigurinë e turistëve.
Trafik armësh nga Kosova në Tiranë me autobusat e linjës, 4 në pranga. Një pistoletë shitej 1500-3000 €
Policia arreston 4 të rinj nga Kosova, nën akuzën e trafikut të armëve. Ata u kapën në Tirane pasi transportuan 10 pistoleta me një autobus të linjës. Armët do t’i shisnin në kryeqytet me vlera nga 1500 deri në 3000 euro.
Kërkesë e lartë për qiramarrje në qendër të Tiranës. BSH: Shitjet më të mëdha, në periferi
Rritet kërkesa për të marrë prona me qira në qendër të Tiranës. Ndërsa shitjet më të mëdha të banesave dhe objekteve të biznesit po ndodhin në periferi të kryeqytetit, siç rezulton nga një vrojtim i Bankës së Shqipërisë.
Nxënësit në Rusi po mësojnë si të përdorin armët. Lufta rikthen lëndën e periudhës së BRSS
Nxënësit në Rusi po mësojnë edhe përdorimin e armëve. Autoritetet vendosën rikthimin në shkolla të një lënde të periudhës sovjetike nga frika e një përplasjeje me NATO-n, si pasojë e konfliktit të armatosur që vijon në Ukrainë.
Superkompjuteri “zbulon” fituesin e Euro 2024: Në Gjermani do të triumfojnë Anglezët
Anglia ka më shumë shanse ta fitojë Kampionatin Europian të Futbollit. Kështu rezulton nga përllogaritjet e një superkompjuteri të një kompanie të parashikimeve sportive, që ka prodhuar rezultatet për të gjitha skuadrat pjesëmarrëse.
/tvklan.al
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
