Ավելի քան մեկ օր է՝ Արցախը տոտալ շրջափակման մեջ է. ադրբեջանցի բնապահպան ահաբեկիչները գիշերը լուսացրել են Լաչինի միջանցքում՝ հնչեցնելով ազգայնական կոչեր ու ռուս խաղաղապահներին ցույց տալով «Գորշ գայլերի» խորհրդանիշը: Հայաստանից Արցախ եկող քաղաքացիները գիշերել են Գորիսում, մի մասը՝ այդ թվում կանայք ու երեխաներ, Շուշիի շրջանի Լիսագոր համայնքում։ Շուրջ 1100 մարդ մնացել է ճանապարհին ու հնարավորություն չունի միանալ ընտանիքներին. 270 երեխա այս պահին կտրված է ընտանիքից։ Ստեփանակերտի բժշկական կենտրոնի մի խումբ բուժառուներ ծայրահեղ ծանր և ծանր վիճակում են. ցուցված է նրանց բուժումը և հետազոտությունները շարունակել Երևանում, սակայն շրջափակման հետևանքով տեղափոխումը Հայաստանի քաղաքային հիվանդանոցներ դարձել է անհնար: Արձագանքելով այս հայտարարությանը՝ ադրբեջանցի այսպես կոչված ցուցարարներն ասել են, որ շտապ օգնության մեքենաների մուտքը պատրաստ են բացել: Նրանք նաև շարունակում են հանդիպում պահանջել ռուսական զորակազմի հրամանատար Անդրեյ Վոլկովի հետ:
![Россия ведёт тайную войну в Африке [CR]](https://i.ytimg.com/vi/B57nlePBoDA/mqdefault.jpg)
