ՄԱՐԴ ԿԱ ԵԼԵԼ Է ՇԱԼԱԿՆ ԱՇԽԱՐՀԻ, ՄԱՐԴ ԿԱ
ՄԱՐԴ ԿԱ ԵԼԵԼ Է ՇԱԼԱԿՆ ԱՇԽԱՐՀԻ, ՄԱՐԴ ԿԱ Շատերը հարցնում են, թե ինչու եմ միշտ ազատամարտիկների մասին գրում կամ ներկայացնում։ Հիշեցնեմ, որ ինքս ազատամարտիկ չեմ, տարիքով փոքր եմ եղել ազատամարտի տարիներին, սակայն անմիջական իմ ընտանիքը զգացել է պատերազմի ծանրությունը՝ ահն ու սարսափը։ Հիշեցնեմ, որ ինքս բժիշկ եմ ու ինձ համար կարևոր է, որ հայ ժողովուրդը առողջ լինի մտքով և հոգով, ֆիզիկապես ու մտավոր։ Առողջությունը կարևոր է, բոլոր ոլորտներում, սկսած քաղաքականությունից, վերջացրած կրթությունով, առողջ ապրելակերպով, առողջ հասարակությունով, առողջ բնությամբ ու միջավայրով։ Իսկ ինչ վերաբերվում է ազատամարտիկներին, ապա շատերը չգիտեն, որ հայի առողջ գենը պահպանվել է հենց նրանց մեջ, առողջ միտքը, գաղափարները մարմնավորված են հենց նրանց մեջ։ Խնդրում եմ երկրապահներին առանձնացնել ազատամարտիկներից, քանի որ դրա մասին բազմիցս շեշտել եմ։ Ազատամարտիկի մեջ է մարմնավորված ազգային ազատությունը, ազատատենչ ոգին, ցավոք սրտի շատերը չգիտեն ու չեն էլ պատկերացնում, թե ազգային ինչ արժեք են ներկայացնում գենետիկական այդ որակական հատկությամբ օժտված մարդիկ։ Դուք երբևիցէ տեսե՞լ եք ազատամարտիկի արցունքները․․․ Դժբախտաբար, ես տեսել եմ այդ արցունքները։ Ո՛չ, նրանք չեն լացում զոհված ընկերոջ կամ մահացած ծնողի համար, չեն լացում հարազատների կորստի համար, սակայն լացում են ժողովրդի տառապանքի ու տգիտության համար, լացում են կորցրած տարածքների ու զինվորների համար, լացում են բոլորիս անտարբերության ու ապերախտության համար։ Կրկնում եմ, Հայի ազատատենչ ոգին մարմնավորված է հենց նրանց մեջ, և ես չեմ կարող անտարբեր գտնվել, երբ կորցնում ենք մեր ազգային ոգին, որը ոչ միայն համ ու հոտ է տալիս հային ու Հայաստանին, այլև ճանաչելի է դարձնում ինքներս մեզ։ Անտարբերությունը մեր ազգային գենետիկական որակների համար դարձավ ճակատագրական բոլոր դարերում, ներառյալ այսօր։ Երբ Փաշինյանի ու Սերժ Սարգսյանի պես դատարկամիտ ճառասացներին ենք գնահատում, մեծարում ու փառաբանում, իսկ Պավել Մանուկյանների ու Վահան Բադասյանների պես գաղափարական ու լուսավոր մարդկանց մղում ենք դեպի մոռացության։ Ահա իմ մտահոգությունը, ազգային գենի ու որակի պահպանումը։ 25․01․2020թ. Գեհենի Առաքել #georg_hegel#monte_studia #մոնթե_ստուդիա #geheni_araqel #գեհենի_առաքել [ Ссылка ]
