Prezident İlham Əliyev Ümumdünya Səhiyyə Təşkilatının Avropa üzrə regional direktoru Hans Henri Klugeni qəbul edib. Görüşdə Prezident İlham Əliyev Ümumdünya Səhiyyə Təşkilatı ilə Azərbaycan arasında səmərəli əməkdaşlığın olduğunu vurğulayıb. Dövlət başçısı bildirib ki, Azərbaycanda COVID-19 ilə bağlı vəziyyət çox müsbətdir. Ölkəmizdə pandemiya ilə bağlı məhdudiyyətlərin tədricən aradan qaldırıldığını deyən Prezident İlham Əliyev bildirib ki, çox az sayda məhdudiyyətlər qalıb. Azərbaycanda pandemiya nəticəsində yaranan sosial-iqtisadi məsələlərin aradan qaldırılması istiqamətində də zəruri tədbirlər görülüb və hazırda bu sahədə də vəziyyət sabitdir. Hans Henri Kluge Azərbaycanın COVID-19-a qarşı milli səviyyədə həyata keçirdiyi tədbirlərin çox təqdirəlayiq olduğunu bildirib. O, qeyd edib ki, Azərbaycanın işğaldan azad olunmuş Qarabağ və Şərqi Zəngəzur bölgələrində həyata keçirəcəyi səhiyyə sisteminin qurulması prosesində, xüsusilə rəqəmsal səhiyyə sisteminin yaradılmasında Ümumdünya Səhiyyə Təşkilatı Azərbaycan ilə yaxından əməkdaşlığa hazırdır.
[ Ссылка ]
[ Ссылка ]
[ Ссылка ]
#İTV
#İTVXəbər
#ictimaitv #video #televiziya #baku #videolar #itv
