Қазақстанды демократиялық, зайырлы мемлекет ретінде бекіткен Ата Заңымыз - Конституцияға биыл 27 жыл. Айтулы мерекеге орай, Шымкенттегі «Түркістан» мәдениет сарайында салтанатты шара өтті. Жиынға қатысушылар мерекелік концертті тамашаласа, еңбегімен ерекшеленген әртүрлі сала мамандары марапатқа ие болды.
Шымкентте Конституция күніне орай бір топ азамат марапатқа ие болды. Олардың қатарында каратэден Азия және Әлем чемпионаттарының жүлдегері, 26 жастағы Қайсар Алпысбай да бар. Жиырма жылдан астам уақыт спорт саласында тер төгіп жүрген азамат жеңіске жетер бір ғана жол - еңбек деп біледі. Ал өзге де марапат иелері болса, ерекше күнге деген құрметіміз жоғары дейді.
ҚАЙСАР АЛПЫСБАЙ, Марапат иесі:
– Әрине жетеді. «Еңбек етсең ерінбей, тояды қарның тіленбей» дейді ғой атам қазақ. Сол сияқты еңбектің артында әрқашан жеңіс болады деп ойлаймын.
ФАРИДА ӘЖІХАНОВА, Марапат иесі:
– Яғни бұл тек мен үшін ғана емес, Қазақстан Республикасы халқы үшін Ата заңымыздың қабылданған күні. Сондықтан бұл ерекше мереке деп есептеймін.
Мерекелік шарада сахналық қойылымдар қойылып, дәстүрлі әншілер мен «Қаратау» фольклорлық ансамблі өнер көрсетті. Опера және балет театрынаң симфониялық оркестрі, «Қазына» би ансамблі көрерменді тәнті етті. Оркестр ырғағымен сахнаға Ту көтерілді. Әнұран шырқалды.
МҰРАТ ӘЙТЕНОВ, Шымкент қаласының әкімі:
– Конституцияның үштен бірі өзгерді. Халық бұл өзгерістерді жақсы қабылдап, жаңарған конституция негізінде еліміз жаңа Қазақстанды, әділетті Қазақстанды құруға бағыт алды. Биліктің барлық институттары қызметінің мейлінше тиімді моделін қалыптастырып, халық пен билікті одан әрі жақындата түсетін болады.
Мерекелік шарада Ұлы Дала заңына бағынған Төле, Қазыбек, Әйтеке билердің әділ шешім орнатқан дәуірінен қойылым да көрсетілді. Ән-жырдан шашу шашылды.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#КонституцияКүні #30Тамыз
