@mezani782
Jee ni kweli hauwezi kufanikiwa ukibaki kuwa Mwajiriwa? Kila mtu anasema lake. Kitu ambacho wachangiaji wengi wa huu mjadala hawajawahi kukigusia ni kuwa mafanikio yako hayajarishi kama umeajiriwa au umejiajiri. Nikutaarifu kuwa siri ni wewe.
Kama kujiajiri au kuwa mjasiriamali ingekuwa ni tiketi ya uhakika ya kuwa tajiri basi kila mjasiriamali au mfanyabiashara angekuwa tajiri. Kama kufanya biashara ndo tiketi ya kutajirika basi kungekuwa hakuna wanaofilisika kila kukicha kwenye biashara. Kama ujasiriamali ingekuwa ndiyo jibu basi kungekuwa hakuna ambao biashara zao haziendi au hakuna ambao wamedidimia kwa kufungua na kuanzisha biashara binafsi.
Na kama kuajiriwa kungekuwa ni utumwa na tiketi ya umasikini basi kungekuwa hakuna waajiriwa ambao wana mafanikio makubwa kuliko baadhi ya wajasiriamali. Kama kuajiriwa ingekuwa ni utumwa basi kungekuwa hakuna familia ambazo zimekomboka kutoka lindi la umasikini kutokana na baba au mama kuwa na kipato kinachotokana na ajira.
#Kazi #ajira #ajiranews #biasharaunited #biashara #mafanikio #mafanikio #pesa #maarifa #elimu #elimuextratv #makala
