Әлем көз тіккен АҚШ президенті Дональд Трамп пен Солтүстік Корея басшысы Ким Чен Ын арасындағы саммитке бір күн қалды.
Бүгін Солтүстік Корея ақпарат агенттігі кездесуде екі ел арасындағы қарым-қатынас, Корей түбегіндегі бейбітшілік және аймақты ядролық қарудан азат ету мәселесі талқыланатынын жариялады.
Президент Дональд Трамп пен Солтүстік Корея басшысы Ким Чен Ын Сингапурге кеше келді. Оларды осы елдің сыртқы істер министрі қарсы алды. Осыдан кейін көп ұзамай Ким Чен Ын Сингапурдың үкімет басшысы Ли Сян Лунмен кездесіп, алғысын білдірді. Ал Дональд Трамп премьер-министрмен бүгін жүздесті. Елде саммитке байланысты қауіпсіздік шаралары күшейтілген. Сентоса аралында әуе кеңістігіндегі қозғалыс шектеліп, жолдар жабылған. Өрт сөндіру мен жедел жәрдем қызметі де сақадай сай.
Премьер-министр Ли Сянь Луннің мәлімдеуінше, Сингапур саммитке тыңғылықты дайындалған. Оны ұйымдастыруға шамамен 20 миллион доллар жұмсалған. «Бұл – біздің халықаралық қауіпсіздік пен тұрақтылыққа қосқан үлесіміз», – дейді үкімет басшысы. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
