#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv Ekskluzive-Del nga burgu telefonon ‘Pa Gjurme’, gjendet korçari/Babai:Një djalë e humba, gjeta Enean


Falë ’Pa Gjurmë’ gjendet 22-vjeçari Enea Arixhiu. Sapo ka lënë qelinë mëngjesin e kësaj të hëne i riu dërgoi një mesazh dhe një foto të të fundit të tij në adresën e emisionit ku shkruante se ishte mirë dhe kishte qenë në burg.
Jam Enea! Sapo kam dalë nga burgu i Gjermanisë. Ju lutem dua që të ma fshini atë videon.
Enea kishte humbur kontaktet me familjen më 11 janar të këtij viti nga Gjermania. Lajmin e gjetjes së të birit e konfirmon dhe i ati Vath Arixhiu në një lidhje direkte nga Korça, i cili nga shqetësimi pas humbjes së të birit, sot në fytyrën e tij ka vetëm gëzim.
“Ju falenderoj shumë për gjithçka që bëtë për ne. Dua të falenderoj shumë edhe zonjën që dha informacionin për djalin. Sikundër ju ka pohuar edhe juve falë Zotit gëzon shëndet të plotë. Pasi ju dërgoi juve mesazhin na mori edhe ne në telefon. Folëm shumë pak me të. Na tha se sapo kishte dalë nga burgu, por nuk më tha arsyen pse e kishin kapur. Për momentin është ende në Gjermani dhe besoj nesër do të niset për në Shqipëri. Kur e pashë nuk u besova syve, mezi e presim dhe na ka marrë malli shumë”
Enea vetë nuk dëshiroi të jepte sqarime të mëtejshme, duke u mjaftuar me një mesazh që i dërgoi ’Pa Gjurmë’ dhe një telefonatë të shkurtër që njoftonte familjen. I riu nga Korça prej 4 dhjetorit të vitit të kaluar ishte zhvendosur në Hanover me kërkesën për azil dhe kjo ishte hera e parë që kalonte kufirin shqiptar. Pasi refuzimit të kërkesës, Enea iku nga kampi dhe u bashkua me disa shqiptarë të tjerë. Falë dëshmive që mbërritën në emisionin ’Pa Gjurmë’ dhe publikimit të rastit, dyshimet ishin se i riu ndodhej në qeli bashkë me të tjerë të rinj shqiptar, mesa duket të njëjtët shokë që e strehuan.

свернуть