Елбасы Нұрсұлтан Назарбаев «Хабар» Агенттігіне сұхбат берді. Бұл – Ұлт көшбасшысының президенттік өкілеттігін тоқтатқаннан кейінгі алғашқы сұхбаты.
Тарихи шешім қабылданып, билік транзитін жүзеге асырғалы алты айдан аса уақыт өтіпті. Осы аралықта көпті толғандырған көп сауал жиналып та қалған еді. «Неліктен, мұндай таңдау жасалды? Елімізде «қос билік» орнаған жоқ па?» деген сынды сұрақтардың қайткен күнде де халықты мазалайтыны белгілі ғой. Міне, сол өзекті мәселелерге қатысты өз пікірін білдіріп, Елбасы елге үн қатты.
