Lajme arkiva 2005
Edi Rama: “Ore zotëri do ta bëni mbledhjen? Ore më fal do ta zhvilloni mbledhjen?”
Mbledhja e Këshillit të Rregullimit dhe Territoret është zhvilluar me debate të ashpra mes kryetarit të bashkisë Rama dhe drejtorit të planifikimit të territorit Marin Biçoku.
Marin Biçoku: “E ke gabim.”
Edi Rama: “Po e ke gabim ti. Shkoni vazhdoni me prefektin atje. I keni bërë të gjitha bëjini edhe ato të dyja pse nuk i bëni? Bëni edhe ato të dyja me prefektin.”
Marin Biçoku: “Është miratuar projekti teknik dhe nuk ka miratim për leje ndërtimi. Këto rrugë nuk quhen dot kapital i bashkisë në qoftë se nuk kanë miratim leje ndërtime, ose në qoftë se nuk varen, e para. E dyta nga dy çështje që na kanë ngelur ne...”
Artan Shkreli: “Kujt ju?”
Marin Biçoku: “Dje në KRT. Dje është bërë KRT-ja.”
Biçoku ka këmbëngulur që në bazë të kërkesës së depozituar më parë nga 1/3 e anëtarëve në rend të ditës do të duhet të diskutonin lejet e blloqeve në ndërtim gjë që është kundërshtuar nga Rama.
Marin Biçoku: “I nderuar zotëri e ka të shkruar ligji që kryetari është i detyruar të mbledh KRT kur kërkohet nga 1/3 e anëtarëve. Nuk mund të vazhdojë me këtë logjikë që thoni ju duke vazhduar që të shkelin ligjin. Kush është neni që thotë që miratimi i projektit teknik lejon fillimin e punimeve kaq.”
Edi Rama: “Tani çfarë do bëjmë ne nuk disponojmë ne dokumentacion për t’ua nxjerr ju para. Po nuk ka është i mbyllur i gjithë protokolli, arkiva, të gjitha janë mbyll.”
Marin Biçoku: “Nuk janë mbyllur. Pastaj drejtoria duhet t’i kishte bërë gati sepse ka kohë që i din këto punë .”
Edi Rama: “Firmat janë pezulluar sepse ashtu doni ju.”
Marin Biçoku: “Jo, jo se duam ne.”
Edi Rama: “Po ik o Marin se je nivel shumë i ulët të flas me ty unë.”
Marin Biçoku: “E kuptoj prandaj ke folur deri tani. Edhe mbrëmë me mua u more në televizor se jam shumë i ulët.”
Mbledhja është mbyllur ende pa filluar duke mos lënë ndonjë afat për takimin e radhës të KRT-së së Tiranës.
Edi Rama: “Më vjen shumë keq tani, mos fol kështu tani se ka një etikë komunikimi dhe më vjen shumë keq.”
Marin Biçoku: “E mban mend se çfarë llafi the, llafi e parë? Etika më e madhe është ajo që unë për respekt të atyre njerëzve po rri këtu me ato dy fjalë që je mësuar të thuash ti dhe që mi the edhe mua. Dakord! Edhe mos më trego mua etikë. Po jo unë flas se çfarë nuk the në fillim i ke edhe në kamera të regjistruara dhe është turp për qytetarët e Tiranës që kanë një kryetar bashkie si puna jote me ato llafe që thua dhe si i ofendon njerëzit në çdo ecje.”
Edi Rama: “Vazhdoni merrini vendimet me më pak se 2/3/ të gjitha vendimet janë të pavlefshme. Urbanistika e mbaroi mbledhjen.”
Në përfundim të mbledhjes dy protagonistët akuzuan njëri tjetrin për bllokimin e punimeve të KRT-së.
Edi Rama: “Të zhytur në baltë antikushtetuese dhe antiligjore që kanë krijuar vetë dhe nga ku duan të dalin zotërinjtë, përfaqësues të qeverisë në KRT. Bashkinë e Tiranës nuk mund as ta “përdhunojnë” as ta marrin dot peng, pavarësisht nivelit të lartë të papërgjegjshmërisë.”
Marin Biçoku: “U konstatua fakti që kryetari i Bashkisë përveç dhunues i ligjit është edhe nj vagabond rrugësh që nuk di të ketë as një fjalor më normal etik.”/tvklan. al
Gazetari: Rezart Lahi
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!