«KADEX - 2018» қару-жарақ және әскери-техникалық көрмесінде биыл алғаш рет Қазақстан ғарыш саласының үздік жетістіктері паш етілмек. Біз әлемдік космостық державалардың алдында не ұсына аламыз? Мәселен, «Ақкөл» ғарыштық байланыс орталығының қызметі мен жетістіктері - көрмеде мақтанышпен көрсетуге болатын игілік. Елдегі телеарналардың ақпарат таратуы мен байланыс жүйесін қамтамасыз етіп отырған «ҚазСат-2» және «ҚазСат-3» жер серіктері осы орталықтан басқарылып отыр. Ақкөлге арнайы барып, жұмысымен танысып келген тілшіміз Бақытнұр Әлібайдың репортажы.
