د هنرمندانو او هنرپالو دوستانو له راڼه طینت څخه د خړوبـﯦـدونکي اخلاص او صفا له کبله ده چې د اخلاص جونگړه یې د اخلاص په جونگړې اړولې ده. په دې لړ کې ډاکټر صادق فطرت ناشناس په خپلې لـَـورینې او مینې، د اخلاص جونگړې ته تر ټولو لوړ ویاړ ور په برخې کړی دی.
ناشناس د خپلو خصوصي ناستو په ترڅ کې د ۱۳۹۳ لمریز کال د راتگ او د لرغوني نو روز د لمانځنې په ویاړ شل نوې سندرې د اخلاص په جونگړې کې ثبت کړي او دا دی اوس یې د نوي کال او د نوروزي ډالۍ په توگې په گډه د ځان او د اخلاص جونگړې د منسوبینو لخوا د خپلو هنر پالو دوستانو مخې ته په درنښت ږدی.
د اخلاص جونگړه دغه شل نوې سندرې له زړونو آشنا ناشناس څخه په مننې او په دې هیلې چې د گرانو هیوادوالو هره ورځ مو له هیلو او صفا ډک نوروز اوسي یو په یو د خپل یوتوب کانال (afghanblooms) له لارې دوستانو ته په دې هیلې چې خوښې یې شي وړاندې کوي.
