Վանաձորյան օրերի 05.11.16 թողարկման ընթացքում կարող եք դիտել՝

1- Նախ ավագանու արտահերթ նիստի մասին: Արդյոք կայացավ նիստը, թե՞ ոչ: Ինչպիսի՞ արձագանքներ եղան: Իմացեք տեսանյութից:
2- Անցնող շաբաթը նշանավորվեց նախագահի Վանաձոր այցով: Սերժ Սարգսյանը ներկա է գտնվել Վանաձորի Տեխնոլոգիական կենտրոնի բացման արարողությանը, ծանոթացել ստեղծված պայմաններին, իրականացվող ծրագրերին և զարգացման հեռանկարին: Աշխատանքային այցի շրջանակներում Սերժ Սարգսյանն այցելել է նաև Վանաձորի բժշկական կենտրոնի շին.հրապարակ, ծանոթացել առողջապահության համակարգի օպտիմալացման ծրագրի համաձայն կենտրոնում ընթացող աշխատանքների ընթացքին, ապա մասնակցել է ֆուտբոլի ակադեմիայի բացման արարողությանը: Նրան ներկայացվել են ակադեմիայի եռահարկ մասնաշենքում ստեղծված ենթակառուցվածքները՝ կահավորված մարզչական սենյակները, հանդերձարանները, ցնցուղարանները, դասասենյակ-լսարանը, բժշկական սենյակը, վարչական մասը և մյուս հարմարությունները, ինչպես նաև արհեստական 1 և բնական խոտածածկով 3 խաղադաշտերը, որոնք համապատասխանում են ՖԻՖԱ-ի և ՈՒԵՖԱ-ի կողմից պրոֆեսիոնալ ֆուտբոլի համար ընդունված չափորոշիչներին: Ակադեմիայում կարող են մարզվել մինչև 600 պատանիներ և աղջիկներ, զուգահեռաբար կստեղծվի շուրջ 40 աշխատատեղ՝ 130-150 հազար դրամ միջին աշխատավարձով:
3- Շաբաթվա սկզբին համայնքապետարանի և ենթակայության հիմնարկների աշխատանքների կազմակերպման, համայնքապատկան կառույցների հետագա ճակատագրի և քաղաքի համար առաջնային կարևորության հիմնախնդիրների շուրջ հարցազրույց ունեցանք Վանաձորի համայնքապետի հետ: Մամիկոն Ասլանյանի հետ հարցազրույցի մանրամասները՝ առաջարկվող տեսանյութում:
4-Քաղաքի հիմնախնդիրներից աղբահանության ժամանակակից համակարգի ներդրման հարցի շուրջ (KFW) Զարգացման գերմանական բանկի պատվիրակության հետ բանակցություններ են ընթացել Վանաձորի համայնքապետարանում: Կենցաղային կոշտ թափոնների ծրագիրը ընդգրկում է փողոցների սանիտարական մաքրման, աղբահանության, թափոնների օգտահանման, փոխաբեռնման, տեղափոխման և տեղադրման ենթակառուցվածքների և ծառայությունների որակական փոփոխություններին ուղղված միջոցառումներ: Գերմանական կողմը պատրաստվում է Վանաձորի կոշտ կենցաղային թափոնների կառավարման և աղբահանության ժամանակակից համակարգի ստեղծման համար ներդնել շուրջ 6.3 մլն եվրո վարկային և 2 մլն եվրո դրամաշնորհային ֆինանսական ռեսուրսներ: Նախնական կանխատեսմամբ 2019 թվականի ընթացքում Վանաձորը կունենա ժամանակակից աղբահանման և սանիտարական մաքրման մեքենաներ ու սարքավորումներ, ինչպես նաև եվրոպական չափանիշներին համապատասխան տեսակավորող աղբահավաք տարողություններ: Դրան զուգահեռ կսկսվեն նոր աղբավայրի շինարությանը և ենթակառույցների ստեղծման աշխատանքները: Իսկ մինչ այդ, կազմվել է մինչև տարեվերջ քայլ առ քայլ կատարվելիք աշխատանքների ՛՛ճանապարհային քարտեզը՛՛:
5-Կրկին հիմնախնդիրներից, այս անգամ՝ բնապահպանական: Կովկասի տարածաշրջանային բնապահպանական հայաստանյան գրասենյակի կողմից իրականացվող Շրջակա միջավայրի պահպանության ՛՛տեղական գործողությունների պլանի մշակում Վանաձոր քաղաքի համար՛՛ ծրագրի ընթացքում վեր կհանվեն և ավագանուն կներկայացվեն վանաձորի բնապահպանական խնդիրներն ու կառաջարկվեն դրանց լուծման եղանակներ: Արդյունքում կկազմվի ձեռնարկ, որով կդասավանդեն դպրոցներում:
6- Այս շաբաթ Վանաձոր համայնքի ղեկավարը քաղաքացիների ընդունելություն է անցկացրել: Ինչ խնդիրներ են բարձրացվել և ինչ արձագանք է տրվել՝ դիտեք տեսանյութում:
7-Մարզական անցուդարձից. ավարտվել է պատանիների և աղջիկների բասկետբոլի եզրափակիչ առաջնությունը, մեկնարկել է վոլեյբոլինը: Ի՞նչ ակնկալիքներ ու ի՞նչ արդյունքներ ունի մարզական քաղաքը պատանիների շրջանում. հաջորդիվ:

свернуть