Йеменнің оңтүстігіндегі Аден қаласында екі жанкешті автокөлікті жарып жіберген.
Бұл туралы Рейтер ақпарат агенттігі хабарлады. Сейсенбі күні екі қаскүнем жарылғыш зат толы көлікті қауіпсіздік күштері штабы ғимаратының жанында жарып жіберген. Салдарынан 6 адам ажал құшқан. Қаза тапқандардың барлығы да – әскерилер.
Ақпарат құралдарының дерегінше, ондаған адам түрлі деңгейдегі жарақат алған. Қазір жарылыс болған жерде жедел жәрдем қызметі жұмыс істеп жатыр. Шабуылды «Ирак және Левант» лаңкестік тобы өз мойнына алды.
![](https://i.ytimg.com/vi/CAqlonirSn0/maxresdefault.jpg)