Խոսքերի Հեղինակ Ռուզան Ղազարյան:
Տեսանյութի հեղինակ Տիգրան և Արգիշտի Միքայելյաններ:
-------------------------------------------------------------------------------------------------------------------
Սա Հայաստանն է, իսկ սա սահմանը, Սա Վայք քաղաքն է` երկրի հարավում, Սա ցուցանակն է, սա` եկեղեցին Ահա հայտնվեցինք Վայք քաղաքում:
Սա մայրուղին է, սա` զորամասը,
«Ամրոց» հյուրանոցն է վերևում, Սա Բանգլադեշն է, սա էլ տղերքը, Որ ցուրտ օրերին չեն երևում:
Կրկ: Հենց այսպես էլ ապրում ենք, մեր փոքրիկ քաղաքում
Հենց այսպես էլ ապրում ենք, մեր սիրած քաղաքում:
Սա հրապարակն է, սա պուլպուլակը, Սա պատվանդանն է` առանց արձանի, Սա Բուրժույի փակված ճաշարանն է, Սա ծաղկանոցն է, որ ծաղիկ չունի:
Սա ռեժիսոր Սարդոն Մարգարյանն է, Բայց նա թատրոն էլ չի բեմադրում, Վայքեցիները` սերիալով տարված` Ներկայացումներ էլ չեն նայում:
Կրկ: Հենց այսպես էլ ապրում ենք, մեր փոքրիկ քաղաքում
Հենց այսպես էլ ապրում ենք, մեր սիրած քաղաքում:
Սա սրճարան է, բայց ափսոս բաց չի, Այստեղով իջնում ենք գրադարան, Հանրախանութը “Ջոբ սենտր” է դարձել, Ոստիկանատունը` համալսարան:
Սա Արփա գետն է, սա էլ անտառը, Սա հուշարձանները մեր փառքի, Եվ Երիտասարդական փողոցը, Որ կարոտ է ջահելների երթի:
Կրկ: Հենց այսպես էլ ապրում ենք, մեր փոքրիկ քաղաքում
Հենց այսպես էլ ապրում ենք, մեր սիրած քաղաքում:
Բայց մեր քաղաքը մեկ է, հրաշք է, Ու բոլորս նըրան շատ ենք սիրում, Մեր մտքերում ու սրտում նա միշտ կա, Այս երգը նրան ենք մենք նվիրում:
Շնորհակալ ենք մենք մեր նախնիներին, Որ այսպիսի հըրաշք մեզ թողեցին,
Մնում է սիրենք, ՏԵՐ կանգնենք իրեն`
Հավերժություն տանք մեր քաղաքին:
Կրկ: Հենց այսպես էլ ապրում ենք, մեր փոքրիկ քաղաքում
Հենց այսպես էլ ապրում ենք, մեր սիրած քաղաքում:
------------------------------------------------------------------------------------------------------------
Թույլատվություն
Երգի հեղինակ և կատարող Ֆորշից
