Dosja e grupit të Laert Haxhiut i ka kaluar SPAK-ut. Prokurori i Elbasanit, Kreshnik Ajazi, i cili po heton dosjen e Laert Haxhiut, këtë të mërkurë ka mbërritur në Prokurorinë e Posaçme, ku ka zhvilluar një takim Altin Dumanin, kreun e SPAK.
Dosja është ende në hetim, pasi shumë nga dëshmitë e të penduarit Artan Tafani po verifikohen edhe për krime të tjera që nuk janë zbardhur. Kreu i kësaj bande, Laert Haxhiu ndodhet i arrestuar në Janinë.
Me dëshminë që dha i penduari i drejtësisë Artan Tafani, i cili ka qenë pjesë e grupit të Haxhiut, u zbuluan gjashtë vrasje.
Tafani gjithashtu ka deklaruar se Laert Haxhiu ka aktivitet edhe në trafikun e lëndëve narkotike. Bëhet fjalë për linjën e trafikut të kokainës që vinte nga Amerika Latine në Portin e Pireut.
Gjithashtu ka theksuar se bashkëpunonin me grupe kriminale nga Fieri, Tepelena dhe Saranda. Tafani ka zbardhur gjashtë vrasje të ndodhura në kohë të ndryshme 4 në vendin tonë dhe 2 në Greqi.
Veç vrasjeve janë zbuluar edhe pesë raste të vënies së tritolit, plagosje dhe tentativa vrasjesh. Sipas Tafanit vrasjet janë kryer në llogari të Laert Haxhiut dhe janë ekzekutuar në disa vende si në Greqi, Elbasan, Korçë, Lushnjë dhe Tepelenë.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#KreshnikAjazi#Dosja
![](https://s2.save4k.ru/pic/CFkxe2FU6gE/mqdefault.jpg)