"Gizli tarix" kanalına abunə olaraq yeni videoları izləyə bilərsiz
Abunə olun [ Ссылка ]

Mənbə: Tarix elmləri doktoru Güllü Yoloğlunun "Rusiya yaşayacaqmı?" kitabı.
"Tədqiqatçılara görə, 1237-ci ildə monqol-tatarlar Suzdala gələndə Vladimir knyazları Yuri və Yaroslav Vsevolodoviçlər Batı xana tabe olurlar. “Moksel” də Qızıl Ordaya daxil olur, tatarların hesabına knyazlığın güvəni artır. Drujinaya Yuri Vsevolodoviç, knyazlığa isə Yaroslav başçılıq edirdi. İkili başçı məsələsi qədim türklərdən gəlmə ölkəni idarəetmə üsulu idi...
Yaroslav 8 yaşlı oğlu Aleksandrı Batı xana amanat, girov verir. “Əmanətə xəyanət olmaz” deyiblər. Batı xanın sarayında Aleksandr daim diqqət və qayğı görür. 1238-1252-ci illərdə Qızıl Ordada yaxşı tərbiyə alan və sonralar Nevski kimi tanıdılan Alek sandr Batının oğlu Sartakın andı, yəni ayrılmaz dostu olur və Batının qızı, Çingiz xanın nəvəsi ilə evlənərək 1252-1263-cü illərdə Volodimir ulusuna (knyazlığına) başçılıq edir. Qızıl Ordaya sonuna qədər sadiq qalan Aleksandrın əgər 1240-cı ildə cəmi 10 yaşı vardısa, o necə həmin il Neva və iki il sonra, yəni 1242-ci ildə Çud döyüşündə iştirak edib qəhrəman ola bilərdi?! Tarix kitablarında gördüyümüz Aleksandr Nevskinin isə ən azı 25-30 yaşı var. Aleksandr Nevski haqqında yalanlar, demək olar ki, bütün tarix kitablarında mövcuddur...
Əslində 1147-ci ildə Moskvanın əsası, tarix kitablarında öyrədildiyi kimi, knyaz Dolqoruki tərəfindən deyil, tatar xanı Menqü Temir tərəfindən qoyulmuş, Aleksandrın kiçik oğlu Daniil isə onun ilk knyazı olmuşdur... Maraqlıdır ki, nə 1237-1238-ci, nə də 1254-1259-cu illərdə Qızıl Orda tərəfindən aparılan siyahıyaalmada Moskvanın adı yoxdur, hərçənd ki, Moskvanın rəsmi salınma tarixi 1147-ci il göstərilir. Daşkeviçin müqayisəsinə görə, Kiyev isə 482-ci ildə artıq vardı...
1277-ci ildə tatar xanı Menqü Temir tərəfindən əsası qoyulan Moskoviya ulusu, knyazlığı Qızıl Ordanın adi bir ulusu idi. İlk Moskva knyazı isə, artıq qeyd etdiyimiz kimi, Aleksandrın kiçik oğlu Daniil idi (1277-1303)... Moskva knyazları Ryurikoviçlər öz köklərini Daniildən götürürlər. 1319-cu ildə Özbək xan qardaşı Kalta Kulxanı Moskva knyazlığına oturdur, 1328-ci ildən isə Böyük Moskva knyazı elan edir.
Təbii ki, Ivan Kalitanın da tərcümeyi-halı və şəkli, digər knyazlarınkı kimi, təhrif olunmuşdur. Göründüyü kimi, kilsə onun yunanlara bənzəməsinə daha çox üstünlük vermişdir, nəinki qardaşı Özbək xana...
Özbək xan İslam dinini qəbul etdikdən sonra Ryurikoviçləri aradan qaldırır, Aleksandrın bütün nəslini məhv edir. Onun qardaşı İvan Kaltadan (Kulxandan. Sonralar “Kalita” – G.Y. ) başlayan çingizidlərin hakimiyyəti isə 270 il davam edir.
Yeni Romanovlar (Kobalinlər) sülaləsi 1613-cü ildə bu ənənəni davam etdirərkən çingizidlərə sadiq qalacaqlarına and içirlər. Moskva pravoslav kilsəsi Moskoviyada tatarların dövlət ənənələrinin qorunmasına xidmət edirdi. Beləliklə, Moskva knyazlığı Qızıl Ordanın varisidir. Tatarlar isə onun “xaç atası”dırlar. 1547-ci ildə knyazlıq çarlıq elan olunur. Və bu çarlıq zəfərlər çalan, torpaqlar ələ keçirən, dünyaya hakim olmaq istəyən xaç atalarının yolunu davam etdirir.
XIII-XVI əsrlərdə tatarlar “velikoroslarla” qaynayıb qarışdılar. Rusiya zadəganlarının böyük əksəriyyəti öz kökünü tatarlardan götürür: Arakçeyev, Bunin, Qriboyedov, Derjavin, Dostoyevski, Kuprin, Plexanov, Saltıkov-Şedrin, Turgenev, Şeremetyev, Çaadayev və başqaları. Elə İvan Stoyko da “monqoloid irqi” deyərkən məhz bunları nəzərdə tuturdu..."
#tarixi
#cumhuriyet
#lenin
#moskva
#gizlisakli
#film
#qarabağ
#siyaset
#seçkilər
#kazan
#tatarramazan
#ozbek

свернуть