Ang sagot mga kaibigan, oo, totoong nag-exist ang kalendaryo na kung saan ang buwan ng Oktubre ay kulang sa bilang. Makikita na nagsimula ang buwan na ito sa 1 at pagdating sa 4 ay hindi na ito nasundan pa ng 5 – 14. Bagkus ang Oktubre 4 ay nasundan agad ng 15, at sumatutal ay sampung araw ang nawala sa buwan na ito.
Kung medyo duda pa rin kayo, hinihikayat ko kayong kunin ang inyong cellphone ngayon, pumunta kayo sa calendar at tiyagain na iiscroll ito hanggang sa marating ninyo ang taong 1582. Pag nandyan na kayo sa taong iyan ay pindutin naman ang buwan ng Oktubre para malinaw ninyong makita na ang 4 sa buwan na ito ay sinundan nga agad ng araw ng 15.
Eh pero ano nga ba ang dahilan sa bagay na ito? Bakit nga ba ang dapat na 31 araw ng Oktubre ay naging 21 araw na lamang sa taong iyon? Narito ang dahilan, subaybayan pa ninyo.
ANG PAGPAPALIT NG KALENDARYO
Noong 325 AD nagkaroon ng isang napakabigat na problema sa simbahan, ito ay dahil sa nahihirapan ang mga opisyal ng simbahan noon sa petsa kung kailan marapat ipagdiwang ang Araw ng Pagkabuhay o ang Easter
Kaya naman sa taong 325, nagtakda ang Konseho ng Nicea ng simbahan na ang Araw ng Pagkabuhay ay marapat na itapat sa unang linggo na kasunod ng unang kabilugan ng buwan matapos ang vernal equinox. Para sa inyong kaalaman na din, ang vernal equinox ay ang kaganapan na kung saan ang ating araw ay nasa eksaktong lokasyon sa taas ng equator, na nagdudulot ng balanseng haba ng oras ng umaga at gabi.
Ngayon mga kaibigan, para lamang masolusyunan ang suliraning kinahaharap noon ng simbahan pagdating nga sa petsa ng pagdiriwang ng Easter, makailang ulit na nagpasa ng proposal noon ang mga konseho ng simbahan para magkaroon ng repormasyon sa kalendaryo, palibahasa’y ang ginagamit pa nila noon ay ang Julian Calendar. Eh pero bigo sila na maaksyunan ang bagay na ito, kahit pa ilang santo papa na ang naupo.
Hanggang sa dumating ang taong 1562, ang Konseho ng Trent ay nanawagan sa nakaupo noon na santo papa na si Pope Pius IV upang magkaroon ng pagbabago sa kalendaryo. Ngunit inabot pa ulit ng dalawang dekada para maisaayos ang bagay na ito, at magkaroon ng angkop na solusyon.

свернуть