Arkiva Lajme - Tv Klan 2000
Vladimir Putin është zgjedhur zyrtarisht sot presidenti i rusisë. Ai ka siguruar fitoren në zgjedhjet e djeshme ku ka numëruar 52% të votave, ndërsa kundërshtari i tij, lideri i Partisë Komuniste Zhuganov 30%. Rreth 69% e votuesve kanë marrë pjesë dje në votime.
Vladimir Putin ish-shefi i KGB Sovjetike ishte pothuajse i panjohur verën e kaluar kur ai u zgjodh kryeminitër i Rusisë. Pas largimit të ish-presidentit Boris Jelsin ai zuri vendin e presidentit të rusisë ku nga dita e sotme ai është zgjedhur zyrtarisht i till. Përqindjen më të lartë të votave Putin e ka marrë në qytetin e lindjes San Petersburg, ku ka fituar 62%, ndërsa rekord ai ka shënuar në ushtri gati një milion e dyqind mijë ushtarë i kanë dhënë atij 80% të votave.
Sot në mëngjes Putini ka deklaruar se nëse zgjedhja e tij si president konfirmohet zyrtarisht ai mund ti ftoj kundërshtarët e tij politik të marrin pjesë në qeveri. Zhuganov lideri i Partisë Komuniste kundërshtar i hapur i Putinit ka deklaruar se përfundimi zyrtar nuk ka dalë. Por fitorja e Putinit është vlerësuar dhe nga popullata civile përveç asaj ushtarake. Shefi i ri i Kremlinit Vladimir Putin që sot e presin detyra mjaft të mëdha./tvklan.al
![](https://s2.save4k.ru/pic/ClnTJRr8mYc/mqdefault.jpg)