"Ne jemi kërkues të shehidllëkut, nuk kujdesemi për jetën e kësaj bote, sepse ajo është e mangët dhe e lirë, synimi jonë është jeta e përhershme". Me një shqipe të kulluar që do ta kishin zili bashkëmoshatarët e tij, 19-vjeçari Patriot Matoshi, ka hedhur këto fjalë në profilin e tij në Facebook para se të përfshihej në betejën e tij të fundit në Irakun e largët.
Pas kësaj shokët e tij, bashkëluftëtarë me të kanë njoftuar se 19-vjeçari: “ka rënë shehid”.
Matoshi, i cili ka studiuar në Medresenë “Alauddin” iu ishte bashkuar luftëtarëve shqiptarë fillimisht në Siri para disa muajsh, ndërkohë bëhet e ditur se ka pasur një kohë aktive duke marrë pjesë në shumë aksione.
