Мысырдың Синай түбегінің солтүстігінде мешітке жасалған шабуылға «Ирак және Левант» лаңкестік ұйымының қатысы бар.

Мұны алдын ала тергеу нәтижелері растап отыр.

Еске салсақ, Бир әл-Абд елді мекенінде лаңкестер жарылғыш затты құлшылық етіп жатқан адамдардың ортасына лақтырып, іске қосты. Теракт салдарынан 300-ден астам адам қаза тапты. Тағы 130-ға жуығы жараланған. Елде үш күндік аза тұту жарияланды.

Оқиғадан кейін Мысыр әскери әуе күштері лаңкестердің Синай түбегіндегі бекіністеріне әуеден шабуыл жасап, 30-ға жуық содырдың көзін жойған.

свернуть