Монгол Улсын Ерөнхийлөгч Дорноговь аймагт томилолтоор ажиллах үеэрээ өнөөдөр (2020.06.19) ОХУ-ын Ерөнхийлөгч В.В.Путинтэй утсаар ярьж, өөрт нь болоод ОХУ-ын ард түмэнд Аугаа Эх орны дайны ялалтын 75 жилийн ойн баярын мэндийг хүргэлээ. Мөн энэ ташрамд Аугаа Эх орны дайны ялалтын 75 жилийн ойн цэргийн парадад Монгол Улсын Зэвсэгт хүчний бие бүрэлдэхүүн оролцох гэж байгаад баяртай байгаагаа илэрхийлээд, парадын үйл ажиллагаанд амжилт хүслээ. ОХУ-ын Ерөнхийлөгч В.В.Путин 2019 оны есдүгээр сарын 3-ны өдөр Монгол Улсад айлчлах үеэрээ Монгол Улсын Ерөнхийлөгч Х.Баттулгыг Аугаа Эх орны дайны ялалтын 75 жилийн ойн баярт урьсан. Харин Монгол Улсын Ерөнхийлөгч Х.Баттулга энэ удаад биечлэн оролцох боломжгүй байгаа юм.
#MNB #МонголынМэдээ #ЦагийнХүрд
