Ақпарат және коммуникациялар министрлігі «Үздік ұлттық символикаға» байқау жариялады.
Бұл туралы министр Дәурен Абаев фейсбуктегі жеке парақшасында жазды.
Конкурсқа кез келген жастағы азамат қатыса алады. Бар болғаны ведомствоның ресми сайтына кіріп, өтінімін, логотип пен ұран және еркін формада жазылған әрі жұмысының мазмұнын ашып көрсететін қысқаша тұжырымдамасын қалдыруы тиіс.
Үздіктерді арнайы құрылған кеңес анықтайтын болады.
Оның құрамына белгілі қоғам және мемлекет қайраткерлері, мәдениет пен өнер саласының өкілдері, сондай-ақ отандық және халықаралық сарапшылар енген.
Айта кетері, байқау жеңімпазына қомақты қаржылай сыйлық та қарастырылған.
Әрсен Бектасов, ҚР Ақпарат және коммуникация министірлігінің баспасөз қызметінің ресми өкілі
-Жүлде қоры 5 миллион теңге көлемінде белгіленген. Өтінімдерді байқауға қыркүйектің аяғына дейін беруге болады. Үздік жұмыстар арнайы сарапшылар кеңесіне таныстырылып, жеңімпаз анықталады. Байқаудың қорытындысын қараша айының басында өткізу жоспарлануда.
Ещё видео!