ADAL Adam YouTube арнасының алаңына Qazbilim жобаларының негізін қалаушы, ақын, блогер Аятжан Ахметжан келді. Ол сұхбат барысында білім саласында қол жеткізген жетістіктер мен кеткен кемшіліктер, мұғалім блогерлер қашан пайда болғаны, директорлар корпусының әлсіздігін, қатеге толы оқулықтар туралы ойын бөлісті. Асхат Аймағамбетовтің Оқу-ағарту министрі ретінде атқарған қызметіне де баға берді. “Педагог мәртебесі туралы” заң Аймағамбетовтің ерлігі деуге болмайтынын жеткізді, сондай-ақ Әліппені қайтару да оның бастамасы емес екенін атап өтті. Аятжан Ахметжан Асхат Аймағамбетовті Қазақстан үкіметінің басшысы қызметінен көргісі келеді. Ал қазіргі министр Ғани Бейсембаевтың жұмысына көңілі толмайтынын, отставкасын талап ететінін жеткізді. Тіпті өзіне қарсы жасалған “шабуылдарды” Оқу-ағарту министрлігі ұйымдастырып отырғанына сенімді. Осы сұхбатта өзге де тақырыптар талқыланды.


#АятжанАхметжан #АсхатАймағамбетов #ҒаниБейсембаев #мұғалім

свернуть