Në një lidhje direkete me edicionin e lajmeve në Klan News, ka qenë gazetarja Ermelinda Hoxhaj e cila ka treguar se si është situata aktuale në Tiranë përsa i përket virozëve stinore. Sipas gazetares rastet me viroza stinore dhe grip janë në rritje, ku gjatë javës paraqiten rreth 11 mijë raste që janë me probleme respiratore.
“Kemi një rritje të shtuar të rasteve, duhet thënë se mesatarisht gjatë një jave paraqiten rreth 11 mijë raste që janë kryesisht me probleme respiratore, ku përfshihet dhe gripi tek fëmijët. Por nuk e kemi arritur ende pikun sepse në vitet e mëparshme kemi pasur numër më të lartë, përgjithësisht piku arrihet në muajt Janar dhe Shkurt. Në situatën aktuale, pra nuk janë vetëm fëmijët ata që kanë problematika si me gripin, virozat stinore dhe me problematikat e tjera respiratore, por janë edhe të rriturit.
Sidomos personat mbi 60 vjeç, kanë patur dhe komplikacione disa prej tyre, kanë shfaqur dhe problematika më të rënda. Gjatë intervistave sidomos në spitalin e Sanatoriumit që pret edhe komplikacionet që vijnë nga sëmundjet e ndryshme respiratore, ka pasur një fluks. Ato mesatarisht kanë 35-40 konsulta në ditë, ndërkohë që një pjesë e tyre kanë nevojë për shtrim spitalor sepse paraqesin insufiçensa respiratore sepse janë me probleme të rënda në mushkëri për shkak sepse duhet të kuptojmë që gripi ashtu si covidi, depërton deri në mushkëri.
Në këto momente është deri diku mesatare, nuk është ndonjë situatë e agravuar, por në disa momente, paraqiten raste goxha të rënda sipas bluzave të bardha”, ka thënë gazetarja Ermelinda Hoxhaj. /tvklan.al
#gripsezonal #klinika
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
