1990 жылғы 25 қазан - есте қаларлық күн. Бұл «Қазақ Кеңестік Социалистік Республикасының мемлекеттік егемендігі туралы» Декларация қабылданған күн. 1992 жылдан бастап Республика күні атаулы күндер күнтізбесіне енгізілді, ал 2001 жылы мемлекеттік мерекелер тізіміне енгізілді, бірақ 8 жылдан кейін алынып тасталды. Бұл Декларацияны өтпелі кезеңде ҚазКСР Жоғарғы Кеңесі қабылдағандығына байланысты болуы мүмкін. Оған сол кезде ҚазКСР бірінші вице-президенті, ал кейін ҚР вице-президенті Ерік Асанбаев қол қойды. Ол Қазақстанның шынайы тәуелсіздікке қарай қозғалысының құқықтық бастамасы болды. Егемендік туралы Декларация қоғамға саяси тұрғыдан үлкен әсер етті. Бұл құжат қазақстандық қоғамды «біз тәуелсіз республика бола аламыз» деп сендірді.
Мемлекет басшысының 2022 жылғы Қазақстан халқына Жолдауында ҚР Президенті Қасым-Жомарт Тоқаев Республика Тәуелсіздігінің таңы атқан маңызды оқиға ретінде Республика күнін қалпына келтіру туралы ұсыныс жариялады.
«ҚОМА» КММ құжаттарды пайдалану және жариялау бөлімінің архивистері Республика күніне орай «Ел тарихы – жер Тарихы» бейнесюжетін дайындады, онда егеменді мемлекетке көшу үшін «іргетас» болған декларацияны құрудың негізгі кезеңдері, қағидаттары мен мақсаттары көрсетілген.
Осы бейнесюжетті дайындау үшін ҚР Тұңғыш Президенті-Елбасы кітапханасының ресми сайтынан ақпарат, Khabar, Khabar NEWS, Информбюро-31 Youtube-арналарынан бейнематериал пайдаланылды.
![](https://s2.save4k.ru/pic/DQ-jK-AS4xo/maxresdefault.jpg)