Fiainana izany - Voahangy

Tonon-kira:
Ny saiko adala, tsy mety mino
Tsy mety mino, fa tsy ho hita intsony ianao
Feno alahelo, vonton-dranomaso
Miaina izao, ora farany eto izao

Na tsy hino aza, na tsy hiaiky
Tsy maintsy aleha, izao làlanao izao
Izany ihany anie, no hananan-kery
Mifarana eo, ny tantaram-piainanao.

Miverina ato an-tsaina
Ireo adiady izay natao
Mitaraindraina
Ilay mozikanao
Miverena hoy aho
Raha mbola azo atao
Fa foana babangoana
Ny toeranao

Satriko ihany, ho eto ianao
Nefa indrisy, ts’isy intsony azo atao
Mino anefa aho, f’any andro iray
Izaho sy ianao, mbola hifankahita indray

Marina fa hoe
Efa voasoratra hatrizay
Vahiny isika, mandalo dia izay
Mbola hody ho vovon-tany
Hanaraka azy ihany

Mafy anefa dia tsy maintsy
Fiainana izany

Mbola hody ho vovon-tany
Hanaraka azy ihany
Tsy azo hidifina mantsy
Fiainana izany

Mandria am-piadanana ireo efa lasa rehetra.
Mandria am-piadanana Dada Tiako. Mbola tsy mety mionona ny fon'ity zanakao kamboty :'(

свернуть