Жерлесіміз, былғары қолғап шебері Қамшыбек Қоңқабаев Парижде өтетін жазғы олимпиада ойындарына қызу дайындық үстінде. Бұл туралы ұлттық команданың бас бапкері Мырзағали Айтжанов Meta-ratings.kz ақпараттық порталына берген сұхбатында айтты.
«Еске салсақ, ауыр салмақтағы боксшымыз бірер ай бұрын олимпиада жолдамасын алып қойған болатын. Енді ол тікелей жазғы ойындарға дайындық жүргізеді. Жаттығудың барысы индивидуальды форматта болады. Дегенмен, оны басқа елдердің оқу-жаттығу жиындарына жіберуді ойластырып жатырмыз»,-деді бас бапкер сұхбатында.
Айта кетейік, Қамшыбек Қоңқабаев осымен 2-ші рет жазғы ойындарға қатысқалы отыр. 2020 жылы Токиода өткен олимпиадада қола жүлдегер атанды. Бұдан бөлек, ол кәсіпқой бокста да бағын сынап, бүгінге дейін 5 кездесу өткізіп үлгерді.
Ал, лицензиялық турнир ақпан айының соңында Италияның Бусто-Арсицио қаласында өтеді. Ел намысын қорғайтын спортшылар бірер ай бұрын Қазақстан спартакиадасында іріктелді. Қазір олар Алматы қаласында жалпы физикалық дайындықты пысықтап жатыр.
Сайт - [ Ссылка ]
Facebook - [ Ссылка ]
VK - [ Ссылка ]
Instagram - [ Ссылка ]
Telegram - [ Ссылка ]
Tiktok -[ Ссылка ]
Ещё видео!