Қытайда өмір бойына бас бостандығынан айырылған Ақжарқын Тұрлыбай Қазақстанға экстрадицияланбайтын болды. Өйткені Қытай Қазақстан азаматын кері қайтарудан бас тартқан. Бұл жайында бас прокуратура өкілдері мәлімдеді.
Сотталушы Ақжарқын Тұрлыбайдың жазбаша шағымы бойынша Бас прокуратура Қытайға сұрау салған. Онда сотталушының ары қарай жазасын Қазақстанда өтеуі сұралған. Қытайдың Әділет министрлігі 2021 жылдың 3 наурызындағы хатында: «Шартты мерзімінен бұрын босату құқығынсыз өмір бойына сотталғандар экстрадициялауға жатпайды» делінген.
Алайда құзырлы орындар мүмкіндіктер түгелдей сарқылған жоқ деп отыр. Егер Қытай соты Ақжарқынның өмір бойғы жазасын нақты жылға ауыстырса, Қазақстан жағы қайта экстадицияға сұрау салады. Іс тұрақты бақылауда деген прокуратура өкілдері ол үшін сотталушы үкім күшіне енген уақыттан кейін кемі 2-3 жыл жазасын сонда өтеуі шарт екенін түсіндірген. Айта кетейік 2015 жылы Қытайдың Гуанчжоу қалалық соты есірткі контранбандасы үшін Ақжарқын Тұрлыбайды өмір бойына бас бостандығынан айырған. Ал 2018 жылы іс қайта қаралса да, үкім күшінде қалды. Осы есірткі ісінде күдікті Нигерия азаматы әлі іздестіріліп жатыр.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#АқжарқынТұрлыбай #Қытай
