Pas trazirave dhe përplasjeve të forta të së hënës mes serbëve dhe trupave të KFOR-it në Zveçan, e marta ka nisur më e qetë në veri të Kosovës.
Numri i protestuesve të mbledhur në tre komunat e Zveçanit, Leposaviçit dhe Zubin Potok ishte ulët. Ndërsa trupat e KFOR-it ndërkohë përreth komunës kanë krijuar një perimetër sigurie dhe vendosën edhe tela me gjemba.
Protestuesit serbë me përfaqësuesit e Listës Serbe u mblodhën në oborrin e Kishës në Leposaviçit dhe pas një takimi të shkurtër përsëritën kërkesat e tyre për largimin e policisë së Kosovës. Një tjetër kërkesë ishte edhe lirimi i dy serbëve të arrestuar një ditë më parë.
Qytetaret e Leposaviçit i bëjnë thirrje kryetarit Lulzim Hetimi të lërë zyrën dhe të ikë në shtëpi.
Ndërkohë që dy kryetarët e komunave kryetarët e komunave të Zubin Potokut dhe Zveçanit, Izmir Zeqiri dhe Ilir Peci, i Zveçanit, për të shmangur incidentet e mundshme nuk u paraqitën këtë të martë në zyrë, por e ushtrojnë detyrën nga institucionet e tjera. Zeqiri dhe Peci ishin të vetmit që u takuan një ditë më parë me ambasadorin amerikan në Prishtinë.
Por nuk munguan incidentet. Serbët e maskuar në protestë sulmuan gazetarët e Kosovës, që u detyruan të vraponin.
Për këtë incident shoqata e gazetarëve kërkoi nga policia e Kosovës t’u sigurojë një perimetër sigurie punonjësve të medias për kryerjen e detyrës. Ndërsa nuk kanë munguar as thyerjet e xhamave të disa makinave.
Ky protestues që qëlloi në drejtim të trupave të KFOR gjatë përplasjeve të së hënës, sipas mediave, është Dragan Smigiçin, një polic serb nga qyteti i Rudares në Serbi, i futur ilegalisht në Zveçan.
Policia njofton se ka nisur hetimet për ngjarjet e dhunshme të së hënës ku u plagosën 30 ushtarë të KFOR-it dhe dhjetëra protestues.
Sakaq policia e Kosovës e cilëson situatën të qetë, por të brishtë, duke ftuar qytetarët të mos bien pre e thirrjeve për protestë të dhunshme.
Tv Klan
#kosova #protesta
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://i.ytimg.com/vi/Dvkzq02Iw_I/maxresdefault.jpg)