Jo vetëm zjarrfikësit lokal, por edhe zjarrfikës të forcave të armatosura dhe zonave të afërta po ndihmojnë në shuarjen e vatrave të zjarrit në Durrës e Krujë. Qarku i Durrësit po përballet me disa vatra zjarri. Prej 24 orësh vazhdon zjarri në kodrat e Lalëzit.
Burimet logjistike dhe njerëzore të të 3 stacioneve zjarrfikëse që ka qarku së bashku me stacionin e Autoritetit Portual, janë në terren në operacionet për fikjen e zjarreve. Shtabi i emergjencave civile në prefekturën e Durrësit bën të ditur se në terren janë angazhuar të gjitha strukturat për vënien nën kontroll të zjarreve.
Situata në Gjirin e Lalzit paraqitet problematike, pasi terreni është i vështirë dhe favorizohet edhe nga era. Në Lalëz të Ishmit zjarri ka rënë në zonën kodrinore dhe nuk ka banesa përreth. Për shuarjen e zjarrit janë angazhuar 7 zjarrfikëse, tre prej të cilave të Durrësit, një i Shijakut, dy zjarrfikse të Autoritetit Portual Durrës dhe një zjarrfikëse e ardhur nga Kamza.
Në fshatin Shetaj të Ishmit është riaktivizuar vatra dhe po punohet me një zjarrfikëse aktualisht. Edhe në Manëz, pranë kampit të muxhahedinëve ka një tjetër vatër dhe po punohet me një zjarrfikëse. Në Durrës një tjetër zjarr ka rënë në lagjen 18 të qytetit, pranë Kryqit të Kuq.
Për shkak të situatës problematike në Gjirin e Lalzit, pjesa më e madhe e forcave janë përqëndruar në këtë vatër. Ndërkohë dhe në Krujë po ndërhyhet në shuarjen e 2 vatrave, njëra pranë guroreve ku punohet me 3 zjarrfikëse, 2 të Forcave të Armatosura dhe 1 e Krujës, ndërsa në ndihmë të tyre po shkon edhe një zjarrfikëse e Tiranës.
Ndërkaq edhe një banesë është përfshirë nga flakët në qytetin e Krujës ku një zjarrfikëse ka shkuar për shuarjen e zjarrit.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Zjarr#TopChannel
