Paşinyandan etiraf: Qarabağ Azərbaycandır - BAKU TV
Ermənistan Qarabağı Azərbaycanın bir hissəsi kimi tanıyıb.
Bunu Ermənistanın Baş naziri Nikol Paşinyan aprelin 12-də parlamentdə “Hökumət saatı” zamanı çıxışında deyib.
O bildirib ki, əgər Madrid prinsiplərindən əvvəl Qarabağın öz müqəddəratını təyinetmə yeri SSRİ idisə, Madrid prinsiplərindən sonra Ermənistanın “parlaq” diplomatiyası nəticəsində Azərbaycan Qarabağın öz müqəddəratını təyin etdiyi məkana çevrildi.
“Madrid prinsiplərinə əsasən Ermənistan Qarabağı Azərbaycanın tərkib hissəsi kimi tanıyıb və bu gün həmin sənədin meyvələrini yığırıq. Səhvimiz o oldu ki, bunu hələ 2018-ci ilin mayında deməli idik, lakin fikirləşdik ki, gələcəkdə birtəhər bu tələdən çıxa bilərik. Tələ beynəlxalq səviyyədə razılaşdırıldığı üçün biz bunu edə bilmədik”, – deyə o əlavə edib.
Baş nazir vurğulayıb ki, Madrid prinsipləri 2007-ci ildə Ermənistanda Serj Sarkisyanın Baş nazir, Robert Koçaryanın isə prezident olduğu dövrdə meydana çıxıb ki, burada da ərazi bütövlüyü və öz müqəddəratını təyinetmə hüququ öz əksini tapıb.
“O zaman müəyyən edilib ki, Qarabağın statusu Azərbaycan tərəfindən də razılaşdırılmalı olan mexanizmlə tənzimlənməlidir və bununla da çox ciddi konseptual dəyişiklik baş verdi. Etibarlı mənbələrin məlumatlarına görə, Madrid prinsiplərinin müəllifi elə erməni tərəfi olub. Əgər biz Qarabağı Azərbaycanın bir hissəsi hesab etmiriksə, onda onun statusu məsələsi niyə Azərbaycanla razılaşdırılmalıdır? Bu isə məntiqlə o deməkdir ki, Qarabağ öz müqəddəratını təyin etmək üçün Azərbaycanın tərkib hissəsi olmalıdır. Qarabağı danışıqlar prosesindən çıxaran Ermənistan sonradan “Mən Qarabağın öz müqəddəratını təyinetmə hüququndan istifadə etməyə gəlmişəm” dedi. Bunun cavabında isə Ermənistana dedilər ki, əgər bunu sən deyirsənsə, o zaman bu, ərazi iddiasıdır. Qarabağ probleminin bütün mahiyyəti deformasiyaya uğrayıb”, – deyə N.Paşinyan vurğulayıb.
[ Ссылка ]
[ Ссылка ]
[ Ссылка ]
[ Ссылка ]
[ Ссылка ]
Paşinyandan etiraf: Qarabağ Azərbaycandır
© 2023 © All Rights Reserved ℗ Baku TV
#pasinyan #qarabag #etiraf
Ещё видео!