#قصة_ومعلومة_صغيرة #كارتيل_cjng #مافيا #عصابات #قصة #قصة_حقيقية
عصابة cjng المكسيكية و مؤسسها و زعيمها نميسيو اوسيجويرا سنفانتس الملقب ب ال ميتشو ،
طير معي عالمكسيك كمان مرة في اخطر عصابات العالم الجزء الثالث
انترو
نبدء بمعلومة سريعة ، في مكافئة قيمتها ١٠ مليون دولار و ٣٠ مليون بيزة مكسيكي للاي حدا بدلي بمعلومات عن بارون المخدرات و الجريمة في المكسيك زعيم عصابة cjng نميسيو اوسيجويرا سنفانتس ال ميتشو ،
ولد ال ميتشو في المكسيك في مدينة ميتشواكان في نص الستينات من القرن الماضي في عائلة فقيرة كانت تزرع الافكادو و ترك المدرسة في الصف الخامس ابتدائي و اتجه للعمل مع عائلته في الزراعة و لما صار عمره ١٤ سنة صار يشتغل بحراسة مزارع المرجوانا و بعد كم سنة زهق من حياة الفقر و التعاسة و قرر يهاجر على امريكا بطريقة غير شرعية ،
و فعلا نجح في الهجرة في الثمنينات من القرن الماضي يعني قول كان عمره ٢٠ سنة تقريبا و صار يشتغل بالممنوعات طبعا ،
سرقة مخدرات و غيره من النشاطات الاجرامية ،
و في عام ١٩٨٦ تم القاء القبض عليه في خليج سان فرانسيسكو بتهمة السرقة و حمل استخدام الاسلحة النارية و بعد شهرين من اعتقاله ولد طفله الاول و يمكن هذا سبب عدم ترحيله بعد التهمة ،
المهم بعد فترة طلع من السجن و رجع للشارع و هالمرة كان متجه للمخدرات و تم القبض عليه كمان مرة في عام ١٩٨٩ في سان فرانسيسكو بتهمة التجارة بالمخدرات ،
و هاي المرة تم ترحيله للمكسيك ، لكن كان الترحيل بالنسبة اله كأنه افراج عادي لانه كان ماخذ على الطريق بين امريكا و المكسيك بحكم شوية الخبرة الي كان ماخدها من تجارة المخدرات و رجع لامريكا طبعا كمان مرة ،
الفكرة انه ما حدا بقدر يترك هذا السوق الشره المليان دولارات بعد ما يجربه ، و في سنة ١٩٩٢ تم القبض عليه للمرة الثالثة في مدينة سكرمنتو في كاليفورنيا بس هالمرة غير هالمرة فيدرالية ،
القصة انه كان ال ميتشو و اخوه ابراهام بتموا صفقة بيع مخدرات ، كيلو و نص هيروين تقريبا ، و كانوا المشترين رجال شرطة متخفين و ال ميتشو كان حاسس انهم شرطة و كان يحذر اخوه الكبير ابراهام من الصفقة بس ابراهام ما رد عليه و وقع الفاس بالراس و نمسكوا الثنين و بعد شد و جذب بالمحكمة و ضغط من اخوه ابراهام في انه يطلع حالوا برئ و يلبس التهمة كاملة ابراهام رفض نميسيو و اعترف بشراكته بالصفقة مع اخوه و اكلو الثنين كل واحد ٥ سنين حبس بدل ما يطلع هو بريء و ياكل اخوه ابراهام الحكم كامل ٢٠ سنة سجن ،
يا اخي العصابات المكسيكية عندها ترابط اسري غريب و بتهمهم كثير مصلحة العيلة شوفنا هذا الشي مع التشابو القصير و كارتيل سينالوا و هينا بنشوفه مع ال ميتشو و كارتيل cjng ,
نرجع لال ميتشو و اخوه الي نحبسوا ٥ سنوات في سجن سبرينغ الاصلاحي في تكساس و بعد ٣ سنوات طلع ال ميتشو بعفو و تم تريحله كمان مرة عالمكسيك و كان عمره ٣٠ سنة تقريبا
رجع الزلمة عالمكسيك و قالك خليني اجرب اتوب و اشتغل اشي نضيف بلكي مشي الحال ، توبة نصوحة و راح قلب ١٨٠ درجة و التحق بجهاز الشرطة المكسيكي !!!
كيف زبطت معاه مش عارف و كيف اساسا جهاز شرطة وظفه برضو مش عارف المهم ما طول بالشرطة و طلعة توبة فستق فاضي لا نصوحة ولا عشرة عالشجرة و رد قلب ١٨٠ درجة و غادر الشرطة وانضم لعصابة ميلينيو كارتل
بس انا برأيي الاحداث الي مر فيها ال ميتشو وسعت نطاق معرفته و صار عنده خبرة ممتازة بالمخدرات و الجريمة و الشرطة و القضاء و المحاكم بالاضافة انه هو ذكي اساسا ،
المهم و اثناء وجوده بعصابة ميلينيو كارتيل ضل يتعسعس لحتى ما قدر يزبط اخت زعيم العصابة روزاليندا غونزاليس فالنسيا و اتجوزها .
و صار اله وضع محترم بالعصابة و كلمته ما بتصير ثنتين ،
اجت الضربة الي ما تموتك بتقويك في عام ٢٠٠٣ لما القت الشرطة المكسيكية القبض على رئيسه في ميلينيو كارتيل و بنفس الوقت شنتة كارتيل لوس زيتاس و كارتيل الخليج هجوم عليهم و اجبروهم للهروب على ولاية خاليسكو ،
و في خاليسكو تحالف كارتيل ميلينيو مع كارتيل سينالوا الي بزعمه التشابو و رجعوا يمارسوا نشاطاتهم الاجرامية من جديد بس طبعا تحت مظلة كارتيل سينالوا ،
و للعلم لحد الآن ال ميتشو عضو مش زعيم و لكن شوي بتبدء الاحداث تتغير و بكمل تسلق سلم الزعامة ،
ففي سنة ال٢٠٠٩ تم اعتقال زعيم كارتيل ميلينيو الجديد اوسكار اورلاند فالنسيا الملقب ب لوبو و بعدها بسنة تم اعتقال شقيقه خوان كارلوس الملقب ال تيغري و بعديها بشهرين قتل الزعيم الثالث كورونيل في تبادل اطلاق نار مع الجيش المكسيكي ،
و بعد ما سقطوا هادول الثلاث تزعزع وضع الكارتيل كثير و هون حاول ال ميتشو انه يتولى القيادة لكنه واجه انقسام داخل الكارتيل و مناوشات و تفاقمت و صارت حرب داخلية و انقسم الكارتيل لقسمين خاصة بعد اتهموا بعض اعضاء العصابة ال ميتشو انه هو الي سلم الزعيم اوسكار للسلطات المكسيكية ليتفرد بالقيادة ،
كنت معكم انا عبد الرحمن بقصة و معلومة صغيرة
سبحانك اللهم وبحمدك استفرك و اتوب اليك
و السلام عليكم ورحمة الله وبركاته
رابط قناة اليوتيوب
[ Ссылка ]
رابط الفيس بوك الصفحة الشخصية
[ Ссылка ]
رابط الفيس بوك الصفحة العامة
[ Ссылка ]
رابط التيك توك
[ Ссылка ]
رابط صفحة الأنستجرام
[ Ссылка ]
#تاريخ #قصة #قصة_حقيقية #علم #وثائقي #معلومة #معلومات_عامة #قصة_مؤثرة_جدا #حكاية #علوم #معرفة #زمان #الاسلام #مراجعة #الوطن_العربي #الاردن #السعودية #مصر #العراق #البحرين #قطر #عمان #السودان #الجزائر #المغرب #تونس #الامارات #فلسطين #ليبيا #اليمن #سوريا #لبنان
