李司棋透露左耳聽力減退 羅蘭重提與修哥演黃昏戀即怕羞

向來緊貼潮流嘅李司棋，不時都會更新社交平台分享生活日常同煮食貼士，司棋姐呢日就夥拍羅蘭一齊挑戰直播宣傳美食，兩位都話一啲都唔易呀。

由於兩位從未試過做直播，所以佢哋都話做起上嚟唔容易。司棋姐又話自己有一段時間冇見過羅蘭姐，覺得對方比上次見面時更加精神飽滿：「之前見羅蘭姐就比較瘦啲，但當時佢話自己食好多都唔肥。」羅蘭姐就表示都有因為咁而詢問過醫生，當時醫生表示人年紀大後肌肉就會慢慢流失，所以係正常現象，羅蘭姐又叫大家唔好搏命減肥，要留返啲肌肉將來老咗嗰陣有得流失。

講到近況，司棋姐透露自己左耳聽力減退，近乎聽唔到嘢，佢大讚羅蘭姐相當有魄力不時都有演出劇集，好似最近嘅《妳不是她》同修哥胡楓上演黃昏戀，講返呢啲情緣羅蘭姐都有啲怕羞，佢話幾十歲仲要演拍拖，又要攬住修哥枕落對方膊頭，仲要畀大王安德尊見到，對方睇到啲畫面就笑到停唔到呀！

#李司棋 #羅蘭 #妳不是她 #胡楓 #修哥 #黃昏戀 #怕羞 #直播 #美食 #聽力
#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
[ Ссылка ]

登入myTV SUPER享受睇TVB自製節目7日包括娛樂新聞的免費點播
[ Ссылка ]

свернуть