Abone OL: [ Ссылка ]

Copyright © Kanal S_official

Sayt: [ Ссылка ]
Facebook: [ Ссылка ]
“Kanal S” – bu söz özündə o qədər doğmalıq, mehribanlıq, bir çox isti duyğular və hislər intibah edir ki, bunları sözlərlə ifadə etmək çox çətindir. Bəli bu gün “Kanal S”-in 14 yaşı bitir. 14 il boyu tamaşaçılarımızın bizə sadiq qaldığı kimi, biz də olara sadiq qalaraq dayanmadan, yorulmadan uzun yol qət etdik...

Keçən illər “Kanal S”in daha da püxtələşməsinə və peşəkarlıq səviyyəsinin artmasına səbəb olub. 2008-ci ilin soyuq dekabrında ilk dəfə dünyaya gözünü açan “Kanal S” qısa zamanda öz ayaqları üstə durmağı bacarmışdı. Ancaq bu sadəcə başlanğıc idi. Çünki irəlidə hələ fəth ediləsi necə zirvələr yeni yeriməyə başlayan televiziyanı gözləyirdi.

Bu gün isə rahatlıqla “Kanal S”in artıq bir çox zirvəni geridə qoyduğunu deyə bilərik. 2022-ci ilin yanvarından isə “Kanal S” daha bir zirvəni fəth etdi. Peykə çıxan Azərbaycanın ilk bölgə kanalı olmağı bacardı. Bəli, artıq bizi dünyanın istənilən nöqtəsində izləyə bilirsiniz. Bu gün biz sizə bütün bu uğurların arxasında durmadan çalışan, əzm göstərən, əksər vaxt kölgədə qalan və tamaşaçıların tanımadığı “Kanal S”-in gizli gücündən, onu hərəkətə gətirən və irəliyə aparanlardan danışmaq istəyirik.


Yayımlanan verilişlərin, xəbərlərin, filmlərin, reklamların arxa planında böyük komanda çalışır. Xam maldan əsər yaradan bu zərgərlər əksər vaxtı heç kəs tərəfindən tanınmırlar. İşlərinə böyük həvəs və peşəkarlıqla yanaşan heyətimiz ən çətin çəkilişlərin üstəsindən belə gəlirlər. Əlbəttə bu siyahını uzatmaq da olar. Ancaq bir şey dəyişilməz olaraq qalacaq ki, bu da onların hər birinin “Kanal S”-in uca zirvələrə daşımaqda əllərindən gələni etmələridir.

Ailə kimi olan bu kollektivi yeni qatılan üzvləri ilə günü-gündən daha da böyüyür və yeni üfüqlərə doğru addımlayır. Əminliklə deyə bilərik ki, hələ media dünyasında yeniyetmə olan “Kanal S” uğurlara doymayıb. Biz hələ bundan da artığını edəcəyik. Odur ki, bizimlə qalın və bizlə birgə addımlayın. “Kanal S” 14 ildir sizdəyik....
#kanals #sizdəyik

свернуть