Revista italiane “Tendenze di Viaggio” i ka kushtuar një artikull turizmit në vendin tonë. Në artikull shkruhet se mund të shijoni pamjet e mrekullueshme të Shqipërisë dhe të kaloni pushimet me çmime të përballueshme.
Ndërkohë që fal fluturimeve “low cost” në Shqipëri mund të udhëtoni në çdo kohë me 22 euro.
Vitet e fundit, vendi ballkanik është kthyer në një destinacion turistik ku mund të kaloni pushimet tuaja mes relaksit dhe argëtimit.
Deri pak kohë më parë Shqipëria nuk përfshihej në listën e destinacioneve për të udhëtuar por tashmë është kthyer në tendencën e turistëve.
Pamjet befasuese që u ofron vizitorëve, ushqimi i mirë dhe jeta e natës kanë mundësuar që ky vend të përjetojë një rizhvillim të madh. Shqipëria është destinacioni perfekt, i zgjedhur nga shumë italianë.
Ushqimi është shumë i ngjashëm me atë italian dhe qytetet duke përfshirë kryeqytetin Tiranën, ofrojnë një panoramë të madhe artistike që tërheq vëmendjen e miliona turistëve.
Shqipëria mund të jete destinacioni ideal për pushime verore pasi ofron plazhe të mrekullueshme që të lënë pa frymë me bukurinë e tyre.
Ka shumë gjire të vegjël të vendosur në shkëmbinj dhe të rrethuar nga panorama befasuese e natyrës së pacënuar.
Artikulli liston edhe disa vende që duhet të vizitohen duke nisur nga kryeqyteti.
Nëse është hera e parë në Shqipëri këshillohet ta nisni nga Tirana. “Xhamia e Et’hem Beut” është një nga bukuritë që nuk duhet humbur për asnjë arsye.
Për adhuruesit e jetës së natës, nuk mund të shmanget zona e ish-Bllokut, e cila është kthyer në një qendër për të rinjtë që duan të argëtohen.
Bukuria e peizazheve të saj, kultura dhe traditat e kësaj toke janë jashtëzakonisht magjepsëse dhe nuk është e nevojshme të shpenzoni shumë për të eksploruar këtë mrekulli.
Udhëtimi zakonisht kërkon një angazhim të konsiderueshëm financiar, por vizita në Shqipëri është mjaft e përballueshme. Me 22 euro ju mund të shkoni në Shqipëri kur të doni dhe te akomodoheni në hotele buzë detit dhe përjetoni argëtimin që dëshironi.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
![](https://i.ytimg.com/vi/E5lFNvujmtM/maxresdefault.jpg)