Amerikanın Səsi: 2022-ci il insan hüquqlarının təmin olunması baxımından nə ilə yadda qalacaq? Bu sahədə vəziyyətin dinamikasını necə qiymətləndirərdiniz?"Müdafiə Xətti" hüquq-müdafiə təşkilatının icraçı direktoru Rüfət Səfərov Amerikanın Səsinə müsahibəsində Azərbaycanda ötən il insan hüquqlarının vəziyyəti, o cümlədən həbsdə olan ictimai fəal Bəxtiyar Hacıyevin həbsinin səbəblərindən danışıb.Rüfət Səfərov: Təəssüf hissi ilə qeyd eləməliyəm ki, 2022-ci ildə əsas hüquq və azadlıqlarla bağlı şox ciddi problemlər yaşandı. Faktiki olaraq, rəsmi Bakının hüquq siyasətində konstitusiyada təsbit olunmuş azadlıq və hüquqlara dair sanki yer yoxdur. İlin əvvəli siyasi ağırlıqlı repressiv tədbirlərlə müşahidə olundu. Biz Vətəndaş və İnkişaf Partiyasının (VİP) sədri Əli Əliyevin, hüquq müdafiəçisi İlham Aslanoğlunun, jurnalistlər Abid Qafarovun, Əvəz Zeynallının, vəkil Elçin Sadıqovun və nəhayət ilin sonunda Gültəkin Hacıbəylinin, Bəxtiyar Hacıyevin təqiblərini xatırlayırıq. Bu qənaətə gəlmişik ki, 2022-ci ili biz, hüquq müdafiəçiləri "siyasi məhbus ili" adlandırsaq daha doğru çıxar. Çünki sıralamada vicdan məhbusları, siyasi məhbusların hesabına ciddi genişlənmə var. Bu ili biz işgəncə halı ilə pis rəftar, ləyaqəti alçaldan davranış halları ilə də qarşıladıq və yekunlaşdırdıq. İnanclı şəxslərə qarşı hüquq-mühafizə orqanlarının xüsusi qəddarlığı oldu. "Müdafiə Xətti" insan haqları təşkilatı carı ildə bir neçə dəfə bunu ictimaiyyətə çatdırdı.Qurama ittihamlar əsasında həbs olunan ictimai fəal Bəxtiyar Hacıyevin ev dustaqlığına buraxılması ilə bağlı müdafiəçilər Xətai Rayon Məhkəməsinə müraciət etmişdi.

Birinci instansiya məhkəməsi müraciəti təmin etmədiyinə görə müdafiə tərəfi qərardan apellyasiya şikayəti verib.

09 yanvar 2023-cü il tarixdə, saat 10:35-də Bakı Apellyasiya Məhkəməsində apellyasiya şikayətinə baxılacaq.

Hakim: Habil MemmedovRüfət Səfərov: Söz və fikir azadlığı ilə bağlı problemlər göz önündədir. Adamlar, siyasi fəallar, aktivistlər, partiya sədrləri fikrinə, rəyinə, hətta bəzi hallarda ehtimalına görə də cəmiyyətdən təcrid olundular. Sərbəst toplaşmaq azadlığı daha da məhdudlaşmaya məruz qaldı. Faktiki olaraq Azərbaycanda insanlar cəm halında istər sosial, istər siyasi, istər hüquqi və sair problemlər üzərindən özlərini ifadə etməkdə sərbəst deyillər. 2019-cu ilin yanvar ayından bəri Azərbaycan hakimiyyəti sərbəst toplaşmaq azadlığını arxa plana atıb. Vicdan azadlığı sahəsində də pozuntularımız oldu. Bütövlükdə onu göstərə bilərəm ki, ana yasamızda təsbit olunmuş əsas insan hüquq və azadlıqları bərabərlik hüququ, söz və fikir, məlumat azadlığı, vətəndaşların, dövlətin siyasi həyatında iştirak etmək haqqı çox kobud surətdə əngəlləndi. Xüsusilə də iki institutla bağlı olan əngəlləyici normativ hüquqi aktları qeyd edə bilərik. Onsuz da mürəkkəb və ağır olan medianın vəziyyəti yeni "Media haqqında" qanunun hesabına daha da pisləşəcək. Bir sözlə plüralizmə hazırda rəsmi Bakının siyasətində yer yoxdur.

свернуть